अल्पवयीन विद्यार्थ्यासोबत केलं असं काही, माजी शिक्षिकेला ३० वर्षांची शिक्षा!

एका रिपोर्टनुसार, ३२ वर्षीय मेलिसा कर्टिसला तीन थर्ड डिग्रीच्या लैंगिक गुन्ह्यासाठी ३० वर्षाची शिक्षा सुनावण्यात आली.

मेरीलॅंडच्या एका माजी शिक्षिकेवर अल्पवयीन विद्यार्थ्यासोबत अनेकदा शारीरिक संबंध ठेवण्याच्या आरोपात ३० वर्षांची शिक्षा सुनावण्यात आली आहे. एका रिपोर्टनुसार, ३२ वर्षीय मेलिसा कर्टिसला तीन थर्ड डिग्रीच्या लैंगिक गुन्ह्यासाठी ३० वर्षाची शिक्षा सुनावण्यात आली. ज्यात १२ महिने निलंबित आणि पाच वर्षे नजरकैदेची शिक्षा असेल. शिक्षा संपल्यावर कर्टिसला २५ परवानगीशिवाय कोणत्याही अल्पवयीन मुलाच्या संपर्कात येता येणार नाही.

माजी शिक्षिकेने ७ नोव्हेंबर २०२३ ला पोलिसांसमोर आत्मसमर्पण केलं होतं आणि तिच्या एका अल्पवयीन मुलाचं लैंगिक शोषण करण्याचा आरोप लावण्यात आला होता. फॉक्स 5 डीसीच्या वृत्तानुसार, कर्टिसने तिच्या कारमध्ये, वेगवेगळ्या घरांमध्ये जानेवारी आणि मे २०१५ दरम्यान हा गुन्हा केला होता. पोलिसांनी सांगितलं की, कर्टिसने कथितपणे आठव्या वर्गातील विद्यार्थ्याला दारू आणि गांजा उपलब्ध करून दिला आणि त्याच्यासोबत २० पेक्षा अधिक वेळा शारीरिक संबंध ठेवले. कर्टिस जवळपास दोन वर्षे शिक्षिका होता.

कोर्टाच्या एका कागदपत्रात सांगण्यात आलं की, शाळेतील काही अॅक्टिविटीनंतर शिक्षिका आणि विद्यार्थी एकटे राहत होते. पोलिसांनी ऑक्टोबर २०२३ ला चौकशी सुरू केली. त्यानंतर या घटनेतील अनेक गोष्टी समोर आल्या आहेत.