बॉयफ्रेन्डचा कॉम्प्युटर बघून तरूणीला बसला धक्का, मोडलं ३ महिन्यांवर आलेलं लग्न

कामानिमित्त एक दिवस तिला तिच्या होणाऱ्या पतीचा कॉम्प्युटर ओपन करावा लागला. तिने कॉम्प्युटर ओपन करताच तिला धक्का बसला.

एका तरूणीला तिच्या बॉयफ्रेन्डबाबत असं काही समजलं ज्यानंतर तिने आधी साखरपुडा नंतर लग्नही मोडलं. तरूणीने स्वत: सोशल मीडियावर या घटनेचा खुलासा केला. तिने सांगितलं की, बॉयफ्रेन्डचा कॉम्प्युटर ओपन करताना अशा काही अश्लील गोष्टी दिसल्या की, त्यानंतर तिने लग्न मोडण्याचा निर्णय घेतला.

२५ वर्षीय तरूणीचं नाव मारिया आहे. तिने टिकटॉकवर तिच्या होणाऱ्या पतीबाबत धक्कादायक खुलासा केला. मारियाने सांगितलं की, तिचा साखरपुडा झाला होता. आता लग्नाला केवळ ३ महिने शिल्लक राहिले होते. यादरम्यान कामानिमित्त एक दिवस तिला तिच्या होणाऱ्या पतीचा कॉम्प्युटर ओपन करावा लागला. तिने कॉम्प्युटर ओपन करताच तिला धक्का बसला.

'द मिरर'नुसार मारियाला तिच्या बॉयफ्रेन्डच्या कॉम्प्युटरमध्ये एक फोल्डर दिसलं. ज्यात पॉर्न व्हिडीओसोबतच त्याच्या बहिणींचे आणि सहकाऱ्यांचे आक्षेपार्ह फोटो होते. मारियाने सांगितलं की, 'कल्पना करा की, आमचा साखरपुडा झाला. लग्नाला ३ महिने शिल्लक आहेत. कार्ड पाठवले आहेत आणि एक दिवस तुम्हाला समजतं की, तुमच्या होणाऱ्या पतीच्या कॉम्प्युटरमध्ये एक अश्लील फोल्डर आहे. तुमची बहीण आणि तिच्या सहकाऱ्यांचे फोटोही आहेत'.

मारियाची पोस्ट टिकटॉकवर व्हायरल झाली आहे. तिची ही पोस्ट ८ लाखांपेक्षा जास्त लोकांनी पाहिली आहे. व्हिडीओमध्ये मारियाने दावा केला आहे की, त्या दिवशी माझा कॉम्प्युटर काम करत नव्हता. त्यामुळे मी बॉयफ्रेन्डचा कॉम्प्युटर ऑन केला होता. तो माझ्या नोकरीसाठी अर्ज करण्यात मदत करत होता. तेव्हा मला त्याच्य कॉम्प्युटरमध्ये हे फोल्डर दिसलं. ज्यानंतर मी त्याच्यासोबत नातं तोडलं.

मारियाच्या व्हिडीओवर अनेक यूजर्सनी कमेंट्स केल्या आहेत. काही लोक म्हणाले की, तू योग्य तोच निर्णय घेतला. तर काही म्हणाले की, तुला तुझ्या होणाऱ्या पतीसोबत मोकळेपणाने याबाबत बोलायला हवा. त्याला धडा शिकवला पाहिजे.