दहावीची परीक्षा देण्यासाठी युवती घरातून बाहेर पडली अन् प्रियकरासोबत लग्न करून घरी परतली

मागील ५ वर्षापासून युवक आणि युवतीचे प्रेमसंबंध होते, दोघंही एकमेकांना लपूनछपून भेटत होते

प्रेमात सगळं काही माफ असतं असं म्हटलं जातं, बिहारच्या सीमाभागात कटिहार परिसरात सध्या एक अजब प्रेम की गजब कहाणी समोर आली आहे. याठिकाणी दहावीच्या मुलीनं केलेल्या प्रेमाची चर्चा सध्या गावभर आहे, मनिहारी ठाणे हद्दीत दहावीच्या बोर्डाची परीक्षा देण्यासाठी गेलेल्या मुलीने थेट लग्न मंडपात जाऊन लग्न केले, या घटनेची चर्चा गावकऱ्यांमध्ये चांगलीच रंगू लागली आहे.

मागील ५ वर्षापासून युवक आणि युवतीचे प्रेमसंबंध होते, दोघंही एकमेकांना लपूनछपून भेटत होते, मात्र दहावी बोर्डाची परीक्षा देण्यासाठी गेलेल्या या युवतीला युवकासोबत गावकऱ्यांनी रंगेहाथ पकडलं, त्यानंतर या दोघांना पोलीस ठाण्यात नेण्यात आले. माहितीनुसार, मनिहारी ठाणे हद्दीतील लाल सुरेंद्र नारायण कन्या शाळेतील हे प्रकरण आहे. याठिकाणी दहावीच्या बोर्डाची परीक्षा सुरू होती, प्रेयसी ही परीक्षा देण्यासाठी शाळेत आली होती. तिचं नाव गौरी(बदलेलं नाव) आहे. तर प्रियकराचं नाव नितीश आहे, नितीश हा बरारी येथील गुजरा गावात राहणारा तरूण आहे.

नितीश परीक्षा सेंटरवर प्रेयसीला भेटण्यासाठी आला होता, तेव्हा संशयावरून काही गावकऱ्यांनी दोघा प्रेमीयुगलांना पकडलं, पोलिसांना याबाबत सूचना देऊन त्यांना ताब्यात देण्यात आलं, त्यानंतर संपूर्ण प्रकरण प्रेमसंबंधांशी जोडलं गेलं आहे, हे समजताच पोलिसांनी दोन्ही कुटुंबांमध्ये मध्यस्थी करत दोघांच्या लग्नासाठी तयार केलं, त्यानंतर या दोघांचे लग्न झालं,