बोंबला! लग्नाच्या पहिल्या रात्रीच नववधूने केलेली डिमांड ऐकून नवरदेव 'कोमात'! 

असाच एक किस्सा पंजाबातील फिरोजपूर येथे घडला. इथे एका तरूणासोबत त्याच्या लग्नाच्या पहिल्या रात्री असं काही घडलं की, तो नेहमीसाठी लक्षात ठेवेल.

लग्नाच्या पहिल्या रात्रीबाबत सर्वांच्याच काहीना काही अपेक्षा असतात. अनेक प्रश्न मनात येत असतात तर जरा भीतीही असते. अनेकांच्या पहिल्या रात्रीचे अनेक विचित्र किस्सेही असतात. असाच एक किस्सा पंजाबातील फिरोजपूर येथे घडला. इथे एका तरूणासोबत त्याच्या लग्नाच्या पहिल्या रात्री असं काही घडलं की, तो नेहमीसाठी लक्षात ठेवेल. या घटनेने नवरदेवाला तर धक्का बसलाच सोबतच त्याच्या परिवारालाही बसला.

फिरोजपूरच्या ममदोटमधील घरात सुन आल्यावर आनंदाचं वातावरण होतं. अर्थातच नवरदेव जास्त आनंदात होता. कारण त्याची लग्नानंतरची पहिली रात्र होती. मोठ्या आनंदाने नवरदेव नवरीजवळ गेला आणि तिच्या डोक्यावरील पदर बाजूला केला. सामान्यपणे अशावेळी जास्तीत जास्त नववधू लाजतात. पण ही नवरी लाजली नाही तर आरडा-ओरड करू लागली.  तिने वस्तू फेकफाक करणं सुरू केलं. आणि 'मेनू चित्ता चहिंदा...म्हणजेच 'मला नशा हवी... नशा हवी', असं ती ओरडू लागली. 

आता लग्नाच्या पहिल्या रात्री कशात काही झालेलं नसताना अशाप्रकारची मागणी केल्यावर नवरदेव हैराण झाला. तो लगेच बाहेर आणि सर्वांना याबाबत सांगितले. सर्वांचा आनंद दु:खात बदलला. नंतर घरातील लोकांनी नवरीला शांत करण्याचा खूप प्रयत्न केला. पण ती काही ऐकेना.

(प्रातिनिधीक छायाचित्र)

मग नवरीला लगेच व्यसनमुक्ती केंद्रात नेलं. नवरीला औषध देऊन शांत करण्यात आलं. ही तरूणी अनेक वर्षांपासून व्यसन करत असल्याचं समोर आलं. पण हे तरूणापासून लपवण्यात आलं होतं. पण लग्नाच्या पहिल्या रात्री तिला नशेची तलफ आली आणि हा प्रकार समोर आला.

आता हा तरूण हे लग्न मोडण्याची तयारी करतो आहे. त्यासाठी त्याने डॉक्टरांकडे तरूणी व्यसनाधीन असल्याचं लेटर देण्यास सांगितलं आहे. दरम्यान, ही अशाप्रकारची पहिलीच घटना असली तर पंजाबमध्ये अंमली पदार्थांचं सेवन फारच वाढलं आहे.