वाह रे वाह! पत्नीनेच पतीला दिली २ गर्लफ्रेन्ड्ससोबत लग्न करण्याची संमती; म्हणाला, "दुसरे माझ्यावर जळतात"

आपल्या पत्नीच्याच मर्जीनं पती करतोय दोन गर्लफेन्ड्ससोबत लग्न. पाहा काय आहे प्रकरण.

ठळक मुद्देआपल्या पत्नीच्याच मर्जीनं पती करतोय दोन गर्लफेन्ड्ससोबत लग्न.

लग्न हे सात जन्माचं नातं असतं असं म्हणतात. परंतु जर पत्नीनं आपल्याच पतीला तिच्या मर्जीनं दोन गर्लफेन्ड्ससोबत लग्न करण्याची परवानगी दिली, असं जर म्हटलं तर नक्कीच तुम्हाला शॉक बसेल. परंतु हे अगदी खरं आहे. जर्मनीमधून सर्वांनाच आश्चर्यचकित करणारी बातमी समोर आली आहे. एक व्यक्ती आपल्याच पत्नीच्या परवानगीनं आपल्या दोन गर्लफेन्ड्ससोबत लग्नगाठ बांधण्याच्या तयारीत आहे. दरम्यान, यानंतर आसपासच्या लोकांनाही आश्चर्याचा धक्का बसला आणि पत्नीच अशी परवानगी कशी देऊ शकते, अशीही विचारणा होऊ लागली. 

जर्मनीतील कोलोन शहरातून हे प्रकरण समोर आलं आहे. मिररच्या रिपोर्टनुसार ३५ वर्षीय मार्को सँटो सिल्वानं कायदेशीररित्या ३५ वर्षीय डेनिएला सिल्वा हिच्यासोबत लग्न केलं असून ते दोघंही २०१२ पासून एकत्र राहत आहेत. पंतु आता मार्को सँटो सिल्वानं आपल्या दोन गर्लफ्रेन्ड्ससोबत लग्न करण्याची घोषणा केली असून त्यासाठी आपल्या पत्नीनंही परवानगी दिल्याचं म्हटलं आहे. २०१९ मध्ये त्याची भेट जेसिका आणि कामिला यांच्याशी झाली होती. यांच्या संवादादरम्यान मैत्री झाली आणि त्यानंतर त्याचं प्रेमात रुपांतर झालं. यानंतर मार्कोनं त्यांना आपल्या पत्नीशीदेखील भेटवलं.

मार्को आणि डेनिएला यांची दोन मुलंही आहे. असं असलं तरी तो आपलं नातं पुढे नेण्याच्या तयारीत आहे. जेसिका आणि कामिलादेखील या लग्नासाठी तयार असल्याचं मार्कोचं म्हणणं आहे. दरम्यान, आपल्या आनंदावर विरजण पडू नये यासाठीही भीती वाटत असल्याचं त्यानं नमूद केलं. तसंच लोकं आपल्यावर जळत असल्यानं आपण सांभाळून पुढे जात असल्याचंही त्यानं सांगितलं. सध्या हा विषय त्यांच्या राहत्या ठिकाणी चर्चेचा विषय बनला आहे. तसंच हे तिघं आपलं नातं असामान्य असल्याचं दाखवण्यासाठी उत्सुक आहे. तसंच आपण आपलं नातं चांगल्या प्रकारे निभावू असाही विश्वास त्यांनी व्यक्त केला आहे.