पत्नीला तिच्या प्रियकरासोबत घरात रंगेहाथ पकडलं, नंतर पतीने जे केलं वाचून बसेल धक्का

Bihar : नोकरी करत असताना महिलेची पटणामधील रंजीत कुमार नावाच्या तरूणासोबत ओळख झाली. ती या तरूणाच्या प्रेमात पडली. पती घरी नसला की, ती त्याला भेटायला जात होती.

Bihar : बिहारच्या जहानाबाद जिल्ह्यातून एक अनोखी  प्रेम कहाणी समोर आली आहे. इथे एक पतीने आपल्या पत्नीच्या अनैतिक संबंधाना वैधता देण्यासाठी एक अजब पाउल उचललं. कुमडी गावातील रामराज नावाच्या एका तरूणाने सोलहंडा गावातील रूपा कुमारीसोबत दोन वर्षाआधी लव्ह मॅरेज केलं होतं. दोघेही शहरातील टोला मोहल्ल्यात राहत होते. पती मिठाई कारागीर आहे. त्यामुळे अनेकदा कामासाठी तो बाहेर असतो. यादरम्यान रूपा कुमारी एका नेटवर्किंग कंपनीत कामाला लागली.

नोकरी करत असताना महिलेची पटणामधील रंजीत कुमार नावाच्या तरूणासोबत ओळख झाली. ती या तरूणाच्या प्रेमात पडली. पती घरी नसला की, ती त्याला भेटायला जात होती. पती बाहेर गेला की, ती प्रियकराला घरी बोलवत होती. 

रविवारी पती काही कामासाठी बाहेर गेला होता आणि आणखी काही दिवस तो बाहेरच राहणार होता. पण रविवारी तो अचानक घरी परत आला तर त्याला पत्नी आणि प्रियकर सोबत दिसले. पतीने लगेच घराचा दरवाजा बाहेरून बंद केला आणि पोलिसांना फोन करून बोलवलं. त्यानंतर पतीने अजब पाउल उचललं.

पत्नीच्या प्रेमाला कायदेशीर मान्यता देण्यासाठी त्याने पुढाकार घेतला. पोलिसही आता पतीच्या सांगण्यावरून पुढील कारवाई करत आहेत. दुसरीकडे त्याच्या पत्नीनेही पोलिसांसमोर हे मान्य केलं की, गेल्या 6 महिन्यांपासून ती रंजीतच्या प्रेमात आहे आणि तिला त्याच्यासोबत लग्न करायचं आहे.

पतीला पत्नीच्या या कारनाम्यामुळे त्रास होत होता. पण जेव्हा पाणी डोक्यावर गेलं तेव्हा त्याने विचार केलं की, पत्नीपासून सुटका मिळवण्यातच फायदा आहे. शेवटी त्याने पत्नीला तिच्या प्रियकरासोबत लग्न करण्याची सूट दिली. हे त्याने लिखित स्वरूपात दिलं.