Husband Wife: पती म्हणाला- तुझ्यामुळे गर्लफ्रेंड माझ्यावर चिडते; पत्नीने गाठलं पोलीस स्टेशन अन् मग...

एका तरूणीमुळे जोडप्याच्या नात्यात आला दुरावा

Husband Wife and Girlfriend: उत्तर प्रदेशातील आग्रा जिल्ह्यातून एक घटना समोर आली आहे. जिथे एका तरूणीमुळे पती-पत्नीच्या अंतर आले आणि संपूर्ण प्रकरण इतकं गंभीर झालं की पत्नीला थेट पोलिसांकडे जावं लागलं. हे सारं त्यावेळी घडलं जेव्हा पतीने उघडपणे पत्नीला सोडण्याची धमकी दिली आणि सांगितले की तिच्यामुळे त्याची गर्लफ्रेंड त्याच्यावर चिडली. खरे तर हे संपूर्ण प्रकरण आग्र्यात घडले. आग्रामध्ये ताजमहाल हे पती-पत्नीच्या प्रेमाचे प्रतिक मानले जाते पण त्याच जिल्ह्यात असा प्रकार घडल्याने चांगलीच चर्चा रंगली आहे.

मीडिया रिपोर्ट्सनुसार, आग्रा जिल्ह्यातील एका भागातील एक महिला आपल्या पतीची तक्रार घेऊन पोलीस स्टेशनमध्ये पोहोचली आणि तिने आपली संपूर्ण कहाणी सांगितली. तिचा नवरा तिच्याशी कसा वाईट वागतो आणि त्याने आपल्या गर्लफ्रेंडसाठी तिला सोडावेसे वाटते हे देखील तिने सांगितले.

नक्की काय म्हणाला नवरा...

महिलेच्या म्हणण्यानुसार, तिचे चार वर्षांपूर्वी गुजरातमधील जामनगर येथील एका तरुणाशी लग्न झाले होते, मात्र काही वेळातच तिच्या पतीने तिला सांगितले की, तू माझी पार्टनर म्हणून योग्य नाहीस. माझ्या घरातल्या लोकांनी आणि कुटुंबीयांनी सांगितले म्हणून मला तुझ्याशी लग्न करावे लागले. पण माझी एक गर्लफ्रेंड आहे. महिलेचे म्हणणे आहे की, पतीने तिला कधीही फिरायला घराबाहेर नेले नाही. तिने कधीही बाहेर जायचे प्लॅनिंग केले तर तो टाळाटाळ करत असायचा. अखेर पत्नीने पोलिस स्टेशन गाठले.

पोलिसांत तक्रार केल्यावर पुढे काय घडले?

नवरा पत्नीला म्हणायची की माझ्या गर्लफ्रेंडला तुझा आणि आपल्या लग्नाचा राग येतो. त्यामुळे महिलेने असा आरोप केला आहे की पतीकडून तिची फसवणूक करण्यात आली आहे. तक्रारदार महिलेने अनेक दिवस अन्न-पाणी सोडले आहे. तिच्या पतीने कधीही पती-धर्म पाळला नसल्याने ती खूप एकटी पडल्याचेही तिने म्हटले आहे. याप्रकरणी पोलीस स्टेशनचे प्रभारी सांगतात की हुंडाबळीसाठी छळ आणि जीवे मारण्याची धमकी देण्याच्या कलमाखाली गुन्हा दाखल करण्यात आला असून आता या प्रकरणाची चौकशी केली जाणार.