रात्री प्रियकराने गुगलवर सर्च केलं असं काही, दुसऱ्या दिवशी प्रेयसीवर चाकूने केला हल्ला आणि...

UK : महिलेच्या प्रियकराने संशयामुळे तिच्यावर चाकूने हल्ला करत तिचा जीव घेण्याचा प्रयत्न केला. महिलेचं नशीब चांगलं म्हणून ११ वेळा चाकूने वार केल्यावरही तिचा जीव वाचला.

प्रेमात असणारे लोक कोणत्याही टोकाला जाऊ शकतात. प्रेम जसं दोन लोकांना एकत्र आणतं, तसंच प्रेम अनेकदा व्यक्तीला सैतानही बनवतं. सोशल मीडियावर एका महिलेने तिच्या प्रियकराची स्टोरी शेअर केली आहे. त्यासाठी महिलेने आपलं देश सोडला होता. पण या महिलेला कुठे माहीत की, ज्याच्यासाठी ती तिचा देश सोडून आली तोच तिचा घेण्याचा प्रयत्न करेल. महिलेच्या प्रियकराने संशयामुळे तिच्यावर चाकूने हल्ला करत तिचा जीव घेण्याचा प्रयत्न केला. महिलेचं नशीब चांगलं म्हणून ११ वेळा चाकूने वार केल्यावरही तिचा जीव वाचला.

मुळची चेक रिपब्लिकला राहणारी सिंथी डोलजोवाची भेट तिचा एक्स-बॉयफ्रेन्ड जक सुट्टोसोबत २०२० मध्ये झाली होती. त्यावेळी दोघांमध्ये बरंच अंडरस्टॅंडींग होतं. सिंथीला वाटू लागलं होतं की, जॅक हाच तिचा परफेक्ट लाइफ पार्टनर आहे. सिंथीच्या मित्रांनी आणि नातेवाईकांनी तिला याबाबत इशाराही दिला होता. पण सिंथी त्यावेळी जॅकच्या इतकी प्रेमात होती की, तिला काही चुकीचं वाटत नव्हतं. पण एका घटनेनंतर तिचे डोळे उघडले आणि आता तिला जॅकसोबत नातं ठेवल्याचा पश्चाताप होत आहे.

२३ वर्षीय सिंथीने सांगितलं की, जॅकसोबत राहण्यासाठी तिने तिचा देश सोडला. ती जॅकसाठी यूकेला आली. दोघे सोबत राहू लागले. जॅक सिंथीला तिच्या कोणत्याही मित्रासोबत बोलू देत नव्हता. सोबतच तिला तिच्या परिवारासोबतही भेटू देत नव्हता. जेव्हाही सिंथी बाहेर जात होती तेव्हा तिचे अंडरविअर चेक करत होता. इतकंच नाही तर तो तिच्यावर दुसऱ्या पुरूषासोबत संबंध ठेवल्याचा आरोपही लावत होता. पण काही दिवसांनी पुन्हा सिंथीसोबत चांगला वागू लागत होता. मग सिंथी त्याला माफ करत होती. पण पुन्हा तो तसाच वागायचा.

२०२१ मध्ये सिंथीने ब्रेकअप करण्याचा निर्ण घेतला आणि आपल्या एका मैत्रिणीच्या घरी गेली. हे जॅकला सहन झालं नाही. त्याने एकदा सिंथीला एका रेस्टॉरन्टमध्ये भेटण्यासाठी बोलवलं. पण जशी सिंथी तिथे पोहोचली जॅकने तिच्यावर चाकूने हल्ला केला. 

११ वेळा चाकूने वार केल्यानंतर त्याला वाटलं सिंथीचा जीव गेला असेल. यानंतर तो तिथून पळून गेला. पण सिंथीचं नशीब चांगलं होतं. तिचा जीव वाचला. सिंथीने तक्रार दाखल केल्यावर जॅकला अटक करण्यात आली आणि त्याला १६ वर्षांची शिक्षा झाली. चौकशीतून समोर आलं की, सिंथीवर अटॅक करण्याआधी जॅकने गुगलवर सर्च केलं होतं की, मर्डर कसा करावा. आता सिंथी तिची स्टोरी शेअऱ करून इतर महिलांना जागरूक करत आहे. ज्या प्रेमात आंधळ्या होतात.