सुंदर, तरुण दिसण्याचा हेवा वाटावा असा वारसा

या छायाचित्रातील मुली या २० वर्षे वयाच्या मैत्रिणीच असल्याचे दिसते, परंतु तसे नाही तर या तिघीही सख्ख्या बहिणी असून यातील काही या दिसतात त्या वयापेक्षा दुप्पट वयाच्या आहेत. या तिघी तैवानच्या सू कुटुंबातील आहेत. त्यांचे दिसणेच एवढे तरुण आहे की, त्याबद्दल त्यांचे इंटरनेटवर जोरदार कौतुक होत आहे. विशेष म्हणजे, त्यांचे वय वाढत आहे किंवा त्यांचे तरुण दिसणे थांबत आहे, याचे कोणतेही लक्षण दिसत नाही. या बहिणींची आई ६३ वर्षांची असली, तरी तीदेखील अशीच तरुण दिसते. ल्युरे सू ४१ वर्षांची असून, ती इंटिरियर डिझायनर आहे. दोन वर्षांपूर्वी ती तैवानमध्ये करमणुकीच्या कार्यक्रमात सहभागी झाली आणि ती एकदम चर्चेत आली. कारण तिच्या वयावर कोणाचाच विश्वास बसत नव्हता. वय वाढले, तरी तरुण दिसण्याचा वारसा या कुटुंबात आहे. तिच्या बहिणीही अशाच त्यांच्या प्रत्यक्ष वयापेक्षा खूप कमी म्हणूनच तरुण व सुंदर दिसतात. त्यांच्या चेहऱ्यावर एकही सुरकुती दिसत नाही. फेफे सू हिने ४० वा वाढदिवस २६ जून रोजी साजरा केला. समाजमाध्यमांवर या बहिणी सध्या स्टार झाल्या असून, फेसबुकवर त्यांना ७० हजारांपेक्षा जास्त व इन्स्टाग्रामवर १२ हजारांपेक्षा जास्त चाहते मिळाले आहेत. फेफे फेसबुक व इन्स्टाग्रामव तिच्या छोट्या मुलीची छायाचित्रे नेहमी शेअर करते. तुमची कातडी निरोगी ठेवायची असल्यास सूर्यप्रकाश खूपच महत्त्वाचा आहे. अर्थात, उन्हाळ््यात खूप ऊन अंगावर घेणेही योग्य नाही, असे फेफे हिने सुचविले. ती म्हणाली की, कमी मांस खा आणि जास्त तंतुमय आहार घ्या. खूप व्यायाम करा आणि उच्च प्रोटीनचा आहार घ्या.