प्रेमासाठी काय पण! गर्लफ्रेंडने फोन न उचलताच 'तो' वेडापिसा झाला; 18 व्या मजल्यावर चढला अन्...

रात्री गर्लफ्रेंडने फोन उचलला नाही म्हणून तो इतका वेडापिसा झाला की त्याने थेट टोकाचा निर्णय घेतला आणि इमारतीच्या 18 व्या मजल्यावर चढला.

व्हॅलेंटाईन वीक (Valentine Week) सुरू झाला असून आहे. लोक आपल्या पार्टनरसोबत त्याचा आनंद साजरा करत आहेत. वेगवेगळे डेज साजरे करत आहेत. पण अशातच एक धक्कादायक घटना समोर आली आहे. एका तरुणाने फक्त आपली गर्लफ्रेंड फोन उचलत नाही या रागात धक्कादायक पाऊल उचललं आहे. रात्री गर्लफ्रेंडने फोन उचलला नाही म्हणून तो इतका वेडापिसा झाला की त्याने थेट टोकाचा निर्णय घेतला आणि इमारतीच्या 18 व्या मजल्यावर चढला. या घटनेची सध्या सोशल मीडियावर चर्चा रंगली आहे. मलेशियाच्या शाह आलममध्ये राहणारा 28 वर्षांचा तरुण आहे. 

मिळालेल्या माहितीनुसार, 8 फेब्रुवारीला रात्री 12 वाजल्यापासून तो आपल्या गर्लफ्रेंडला फोन करत होता. मध्यरात्री 3 वाजेपर्यंत त्याने तिला फोन केला. इतके फोन केले तरी तिने उचलला नाही त्यामुळे तो संतप्त झाला. अखेर त्याने धक्कादायक पाऊल उचललं. त्याने आत्महत्या करण्याचा निर्णय घेतला. तो इमारतीच्या अठराव्या मजल्यावर चढला आणि तिथून उडी मारण्याचा प्रयत्न त्याने केला. पण तो इमारतीवर गेला आणि उडी मारणार तोच त्याला एका व्यक्तीने पाहिलं. पाहणाऱ्या व्यक्तीने लगेच याबाबत पोलिसांना कळवलं. त्यानंतर रेस्क्यू टीम तिथं तात्काळ दाखल झाली.

सुरक्षेसाठी म्हणून इमारतीच्या खाली जमिनीवर एअर कुशनही लावण्यात आले. त्यांनी तरुणाला समजावलं आणि त्याला इमारतीवरून खाली उतरवलं. त्याला वाचवण्यासाठी तब्बल 4 तास लागले. या तरुणाच्या बहिणीने दिलेल्या माहितीनुसार, त्याने याआधी देखील आत्महत्येचा प्रयत्न केला आहे. याआधीही त्याने असं टोकाचं पाऊल उचललं आहे. तरुणाच्या कुटुंबाने दिलेल्या माहितीनुसार तो बऱ्याच दिवसांपासून मानसिक आजाराशी लढतो आहे. एका हिंदी वेबसाईटने याबाबतचे वृत्त दिले आहे.