पतीने पत्नीला घटस्फोट दिला, नंतर असं काही समजलं की, पुन्हा तिच्याशी केलं लग्न; लोक करताहेत कौतुक

Man Remarries Ex Wife: एका व्यक्तीने त्याच्या पत्नीला घटस्फोट दिला होता, पण नंतर त्याला पत्नीबाबत असं काही समजलं की, त्याने पुन्हा तिच्यासोबत लग्न केलं.

Man Remarries Ex Wife: जगभरातून घटस्फोटांच्या घटना समोर येत असतात. पण विचार करा की, एका कपलने घटस्फोट घेतला आणि असं काही घडलं की, दोघांनी पुन्हा एकमेकांशी लग्न केलं. असं फार क्वचित बघायला मिळतं. अशीच एक घटना समोर आली आहे. एका व्यक्तीने त्याच्या पत्नीला घटस्फोट दिला होता, पण नंतर त्याला पत्नीबाबत असं काही समजलं की, त्याने पुन्हा तिच्यासोबत लग्न केलं. या कपलची कहाणी सोशल मीडियावर व्हायरल झाली आहे.

ही घटना चीनच्या एका शहरातील आहे. साउथ चायना मॉर्निंग पोस्टच्या एका रिपोर्टनुसार, चीनी सोशल मीडियावर ही कहाणी या व्यक्तीचा व्हिडीओ व्हायरल झाल्यावर समोर आली. हा व्हिडीओ मॅरेज रजिस्ट्रेशन ऑफिसच्या बाहेरचा आहे. व्हिडीओत ही व्यक्ती सांगत आहे की, कपल आपल्या लग्नाचा आनंद फूल आणि वाईनने साजरा करतात. पण आमचं सत्य आहे ते रडणं आणि जीवन वाचवण्यासाठी हॉस्पिटलमध्ये फेऱ्या मारणं.

या व्यक्तीने पुढे सांगितलं की, घटस्फोट दोघांच्या रागामुळे झाला होता. तरीही ते सोबत राहिले. ही तिच व्यक्ती आहे ज्याने आपल्या पत्नीला घटस्फोट देऊन काही दिवसांनंतर पुन्हा तिच्याशी लग्न केलं. या व्यक्तीने आपल्या पत्नीला घटस्फोट दिला होता. पण त्याला जसं समजलं की, त्याच्या पत्नीला गंभीर आजार झाला आहे. तेव्हा त्याने पुन्हा तिच्यासोबत लग्न केलं.

रिपोर्टनुसार, या कपलमध्ये काही कारणावरून वाद झाला होता आणि मग दोघांनी घटस्फोट घेतला. घटस्फोटाच्या काही दिवसांनंतरच त्याला समजलं की, पत्नीला दोन आठवड्यांआधीच अल्पास्किटक एनीमिया नावाचा आजार झाला होता. ज्या दिवशी महिलेला आयसीयूमध्ये भरती व्हायचं होतं, त्याच्या एक दिवसआधीच पतीने त्याच्या घटस्फोटीत पत्नीसोबत पुन्हा लग्नाचा अर्ज दाखल केला. सोशल मीडियावरील लोक या कपलचं भरभरून कौतुक करत आहेत.