शेळीला वाचवण्यासाठी स्वतःचा जीव घातला धोक्यात, खोल खड्ड्यात घुसूला अन्...पाहा व्हिडिओ

सोशल मीडियावर व्हायरल झालेल्या व्हिडिओमध्ये एका बकरीच्या पिलाला वाचवण्यासाठी माणूस स्वतःचा जीव धोक्यात घातल्याचे दिसत आहे.

माणुसकीपेक्षा मोठे काही नाही, याचे उत्तम उदाहरण देणारा व्हिडिओ सोशल मीडियावर व्हायरल होत आहे. ज्यामध्ये एका बकरीच्या पिलाला वाचवण्यासाठी एक माणूस स्वतःचा जीव धोक्यात घातल्याचे दिसत आहे. या घटनेचा एक व्हिडिओही सध्या व्हायरल होत आहे. व्हिडिओ व्हायरल झाल्यानंतर सर्वजण त्या व्यक्तीचे कौतुक करत आहे.

व्हायरल होत असलेल्या या व्हिडिओमध्ये तुम्ही पाहू शकता की, एक खोल आणि अतिशय अरुंद खड्डा दिसत आहे आणि काही लोक त्याजवळ उभे आहेत. यानंतर एक व्यक्ती त्या खड्ड्यात जातो आणि इतर दोघे त्याचे दोन्ही पाय पकडून त्याला उलटे खड्ड्यात पाठवतात. त्या माणसाचे अर्ध्याहून अधिक शरीर खड्ड्यात जाते आणि काही क्षणांनंतर तो बकरीच्या पिलाला बाहेर घेऊन येतो.

Rescue Operation 👌👌💐💐💐

Animal Love. pic.twitter.com/TE0lE2ToFv

— Rupin Sharma (@rupin1992) January 21, 2022

हा व्हिडिओ IPS अधिकारी रुपिन शर्मा यांनी ट्विटरवर शेअर केला आहे. एवढ्या अरुंद आणि खोल खड्ड्यात श्वास घेणेही कठीण आहे. पण, त्या खड्ड्यात घुसून व्यक्तीने स्वतःचा जीव धोक्यात घातला आणि त्या बकरीच्या पिलाला बाहेर काढले. हा व्हिडिओ पाहून नेटीझन त्या व्यक्तीचे कौतुक करत आहेत.