जुन्या बाथरूममध्ये सापडले असे लेटर, वाचून अवाक् झाले घरमालक

एका कपलला त्यांच्या घराच्या बाथरूमचं काम करत असताना असं काही सापडलं जे पाहून ते अवाक् झाले.

लोकांना नेहमीच एखाद्या जुन्या घरात किंवा काही काम करताना असं काही सापडतं जे फार जुनं आणि काहीतरी खास असतं. अनेक काही महागड्या वस्तू असतात तर कधी असं काही सापडतं ज्यात एखादा संदेश असतो. अमेरिकेतील मिनियापोलिसमध्ये एका कपलला त्यांच्या घराच्या बाथरूमचं काम करत असताना असं काही सापडलं जे पाहून ते अवाक् झाले. कपलला अनेक वर्षाआधीचे लव्ह लेटर सापडले.

मॅट आणि केरी टेस्मरने सांगितलं की, त्यांच्या घराच्या बाथरूमच्या मागच्या भीतींमध्ये काही वस्तू सापडल्या. ज्यात औषधांच्या बाटल्या, गुलाब जल, ग्लिसरीन, रेजर आणि इतरही काही वस्तू सापडल्या. त्याशिवाय काही लव्ह लेटर सापडले जे एक मुलगा जॉन बी उर्फ लॉलीने दोन वेगवेगळ्या मुली हेजल आणि पॉलीनला लिहिले होते.

दोन्ही लेटरमध्ये जॉन बी याने आपलं प्रेम व्यक्त केलं होतं आणि डान्स नाइटसाठी विचारलं होतं. केरी टेस्मरने WCCO-TV ला सांगितलं की, दोन्ही लेटर वाचल्यावर आम्हाला जाणवलं की, या मुलाचं वय 13 ते 18 दरम्यानचं असावं. कपल म्हणालं की, ते अजून जॉन बी ला शोधू शकले नाहीत. पण घराचे मूळ मालक जॉन पावलो 1920 ते 1950 च्या दशकापर्यंत आपल्या परिवारासोबत राहत होते, त्यांचा एक मुलगा होता त्याचं नाव जॉन होतं. केरी टेस्मरने सांगितलं की, जॉन जोसेफ पावलो त्यावेळी साधारण 17 वर्षाचे असतील जेव्हा ते आपल्या परिवारासोबत या घरात होते.

दुसरा जॉन बुक असू शकतो, ज्याचा जन्म 1930 दरम्यान झाला होता. जेव्हा तो या घरात आला होता तेव्हा मोठा झाला होता. टेस्मरने सांगितलं की, त्यांना घरात जॉन बुकचे काही जुने होमवर्क सापडले होते. केरी टेस्मर म्हणाली की, मला या मागची कहाणी जाणून घ्यायची आहे आणि हेही जाणून घ्यायचं आहे की, हे लेटर का पाठवले गेले नाहीत तसेच ते आमच्या बाथरूमच्या भीतींत कसे पोहोचले हेही जाणून घ्यायचं आहे.

जुन्या घरांमध्ये अनेकदा अशा वस्तू सापडत असतात. काही दिवसांआधीही एका जुन्या घराच्या बाथरूममध्ये जे सापडलं होतं ते हैराण करणारं होतं. ते बघून लोक पळून गेले होते. वॉशिंग्टनच्या घराचं काम सुरू असताना एक ठेकेदाराने जेव्हा बाथटब हटवला तेव्हा त्याला एक बॉक्स आढळला. त्यात त्याला एक हॅंड ग्रेनड दिसला होता.