२० वर्षीय तरूणाच्या प्रेमात पडली एका मुलाची आई, घरदार सोडून पुण्याहून कानपूरला गेली आणि मग...

या ऑनलाईन प्रेम कहाणीचं सत्य समोर आलं. तरूणाची प्रेयसी आधीच विवाहित निघाली. इतकंच नाही तर महिलेला एक मुलंही आहे. हे ऐकून तरूणाच्या पायाखालजी जमीनच सरकली. 

उत्तर प्रदेशच्या (Uttar Pradesh) कानपूरमधून (Kanpur) एक धक्कादायक घटना समोर आली आहे. येथील एक तरूण सोशल मीडिया नेटवर्किंग साइट इन्स्टाग्रामवर पुणे शहरातील एका महिलेच्या प्रेमात (Extra Marrital Affiar) पडला. दोघे इतके प्रेमात होते की, पुण्यातील महिला आपलं सगळं काही सोडून कानपूरला गेली. कानपूरमधील प्रियकराने प्रेयसीसोबत राहण्याची इच्छा व्यक्त केली. त्यामुळे तरूणाच्या कुटुंबियात वादळ उठलं. यादरम्यान या ऑनलाईन प्रेम कहाणीचं सत्य समोर आलं. तरूणाची प्रेयसी आधीच विवाहित निघाली. इतकंच नाही तर महिलेला एक मुलंही आहे. हे ऐकून तरूणाच्या पायाखालजी जमीनच सरकली. 

मीडिया रिपोर्टनुसार, कानपूरच्या चकरीमध्ये राहणारा तरूण ४ महिन्यांआधी इन्स्टाग्रामवर २४ वर्षीय तरूणीसोबत ओळख झाली. दोघे लवकरच एकमेकांच्या प्रेमात पडले. इन्स्टावर लाइव चॅटिंगसोबतच मेसेजचा सिलसिला सुरू झाला. नंतर भेटून लग्न करण्याचाही विषय झाला. प्रेयसीने प्रियकराला पुणे शहरात येण्यास सांगितलं. पण तरूणाने ते गमतीने टाळलं. पण नंतर अचानक तरूणी प्रियकराला भेटायला कानपूरमध्ये पोहोचली. अचानक ती आल्याने तरूण घाबरला. तो घराबाहेरच तरूणीला भेटला आणि तिला ओळखीच्या एका घरात थांबवलं. तरूण तरूणीला आपल्या कुटुंबियांसमोर आणण्याची योजना बनवत होता. 

कसा झाला खुलासा?

तरूणाचं वागणं बघून घरातील लोकांना शंका आली आणि तेव्हा त्यांना त्याच्या प्रेयसीबाबत समजलं. साधारण एक आठवड्यानंतर तो प्रेयसीला घरी घेऊन आला तेव्हा हायव्होल्टेज ड्रामा झाला. घरातील लोक तरूणीला परत पाठवण्यावर अडून बसले. पण तरूण त्याला तयार नव्हता. यानंतर पोलीस घटनास्थळी पोहोचले. पोलीस आल्यानंतर तरूणीबाबत समजलं की, तरूणी तिच्या पतीला आणि अडीच वर्षाच्या मुलाला सोडून कानपूरला आली. हे समजल्यावर प्रियकर आणि त्याच्या घरातील लोकांना धक्का बसला.

पुढे काय झालं?

पोलिसांनी सांगितलं की, पुणे शहरात राहणारी एक २४ वर्षीय महिला ४ महिन्याआधी इन्स्टाग्रावर कानपूरच्या २० वर्षीय तरूणाच्या संपर्कात आली होती. १३ फेब्रुवारीला महिला आपल्या पती आणि अडीच वर्षाच्या मुलाला सोडून प्रियकराकडे कानपूरला आली. तरूणाने कुटुंबियांना माहिती न देता ओळखीच्या एका घरी तरूणीला थांबवलं होतं. आता तिला परत पाठवण्यात आलं आहे.