मुंबई पोलिसांवरही Pushpa फिवर; 'श्रीवल्ली' गाण्यावर दिला जबरदस्त परफॉर्मन्स, एकदा व्हिडीओ पाहाच

पुष्पा चित्रपटातील श्रीवल्ली या गाण्यानं अनेकांना भूरळ घातली आहे. मोठ्या क्रिकेटर्सपासून सोशल मीडिया इन्फ्लुएन्सर्सही (Social Media Influencers) या गाण्यावर थिरकले आहेत. आता मुंबई पोलिसांवरही पुष्पाचा फिवर दिसून येतोय. 

साऊथ इंडियन चित्रपट पुष्पाच्या (Pushpa The Rise) श्रीवल्ली (Srivalli) या गाण्याची अनेकांमध्ये क्रेझ आहे. सोशल मीडियावर (Social Media) तर या गाण्यानं अक्षरश: धुमाकूल घातलाय. अनेक क्रिकेटर (Cricketers), सोशल मीडिया इन्फ्लुएन्सर्स (Social Media Influencers) या गाण्यावर थिरकतानाचे व्हिडीओही आपण पाहिलेत. आता या गाण्याची क्रेझ मुंबई पोलिसांमध्येही असल्याचं समोर आलं आहे. सोशल मीडियावर मुंबई पोलिसांचा एक व्हिडीओ व्हायरल होत आहे. यामध्ये पोलीस पुष्पा चित्रपटातील श्रीवल्ली या गाण्यावर जबरदस्त परफॉर्मन्स देताना दिसतायत.

मुंबई पोलिसांनी नुकताच आपल्या सोशल मीडिया अकाऊंटवरून श्रीवल्ली या गाण्याच्या जबरदस्त परफॉर्मन्सचा व्हिडीओ शेअर केलाय. तसंच याला त्यांनी हॅशटॅग 'खाकी स्टुडिओ.. रुकेगा नहीं' असं कॅप्शनही दिलंय. मुंबईकरांना श्रीवल्लीवर थिरकताना पहिलंय, आता यात आम्हीदेखील सहभागी होण्याचा निर्णय घेतलाय, असंही त्यांनी म्हटलंय. 

#KhakiStudio Rukhega Nahi!

We noticed Mumbaikars swaying to the tunes of ‘Srivalli’ and decided to join in!#MusicalMonday#MumbaiPoliceBand#Pushpahttps://t.co/MhFLOTgl84

— Mumbai Police (@MumbaiPolice) March 14, 2022

अनेक नेटकऱ्यांना पोलिसांचा हा परफॉर्मन्स खुप आवडला आहे. मुंबई पोलिसांच्या या व्हिडीओला मोठ्या प्रमाणात लाईक्स आणि व्ह्यूज मिळाले आहेत. या परफॉर्मन्सचं अनेकांकडून कौतुकही करण्यात येत आहे.