तुम्हीही खिशात मोबाइल ठेवता? एक व्यक्ती मरता मरता वाचला!

Phone Battery Explodes in Pocket : अनेकदा याबाबत इशाराही दिला जातो की, मोबाइलबाबत सतर्क राहण्याची गरज आहे. पण तरीही लोक याकडे दुर्लक्ष करतात आणि हे त्यांच्या जीवासाठी घातक ठरतं.

Phone Battery Explodes in Pocket : आपल्या आजूबाजूला अशा गोष्टी असतात ज्यांच्यामुळे आपल्याला होणारा धोका माहीत नसतो. सामान्यपणे अशा गोष्टींकडे लोक दुर्लक्ष करतात. अनेकदा याबाबत इशाराही दिला जातो की, मोबाइलबाबत सतर्क राहण्याची गरज आहे. पण तरीही लोक याकडे दुर्लक्ष करतात आणि हे त्यांच्या जीवासाठी घातक ठरतं.

असंच काहीसं ऑस्ट्रेलियाच्या मेलबर्नमध्ये राहणाऱ्या एका व्यक्तीसोबत झालं. त्याने त्याच्या पॅंटच्या खिशात मोबाइल ठेवला होता. पण अचानक त्याच्या पॅंटच्या खिशात मोबाइलची बॅटरी फुटली आणि तो थेट हॉस्पिटलमध्ये पोहोचला. डेली स्टारच्या रिपोर्टनुसार, व्यक्तीने आपल्या अनुभवाबाबत सांगितलं की, त्याला वाटलं होतं की, तो आता जिवंत राहणार नाही.

ए करंट अफेयरच्या सॅमसोबत बोलताना एअर कंडिशनिंग इंस्टॉलर मॅथ्यूने सांगितलं की, हा अनुभव असा होता जसे की, कुणीतरी आयरन केटली गरम करून माझ्या गुडघ्यावर ठेवली. हे सगळं तेव्हा झालं जेव्हा मॅथ्यू पॉवर बॅंकने चार्ज होत असलेला फोन आपल्या खिशात ठेवून पायऱ्या चढत होता. यादरम्यान एक आवाज आला आणि आग त्याच्या चेहऱ्याजवळ येत होती. जेव्हा त्याने खाली पाहिलं तर त्याच्या लक्षात आलं की, धोका मोठा आहे.

त्याने सांगितलं की, त्याला वाटलं तो आता मरणार. तो जिवंत जाळला जाणार. कसातरी तो त्याच्या जवळच्या रेस्टॉरंटमध्ये गाडी चालवत गेला आणि तिथे एक कॅब बोलवली जेणेकरून हॉस्पिटलला जाऊ शकेल. आधी टॅक्सीवाल्याने त्याला नकार दिला. पण कसातरी तो हॉस्पिटलमध्ये पोहोचला आणि त्याच्यावर उपचार सुरू झाले. 

नेहमीच मोबाइलची बॅटरी फुटल्याच्या घटना समोर येत असतात. अशा घटना लीथियम इयॉनच्या बॅटरीमुळे होतात. ज्या फोन, पावरबॅंक, ई-स्कूटर आणि ई-बाइक्समध्ये वापरल्या जातात. ओवरचार्ज झाल्याने अशा घटना जास्त होतात.