बाबो! सोन्यापासून तयार 'या' टॉयलेट सीटवर लावले आहेत ४० हजार हिरे, किंमत वाचून व्हाल गार!

आता हा फोटो पाहून सर्वातआधी कुणालाही हा प्रश्न पडेल की, यावर बसून नैसर्गिक प्रक्रिया करणार कोण? दुसरा प्रश्न असा की, हे टॉयलेटमध्ये ठेवावं की, हॉलमध्ये? तिसरा असा प्रश्न की, यासाठी सुरक्षा व्यवस्था ठेवावी लागेल का? हे प्रश्न आम्हाला नाही तर सोशल मीडियावर लोकांना पडले आहेत.

सोनं, बुलेट प्रूफ काच आणि ३३४ कॅरेटचे हिरे

A toilet studded with 40,815 diamonds worth over $1,200,000 is exhibited at the 2nd #CIIE in Shanghai. A guitar made of a 400-carat diamond and 18K white gold is also on display, with an estimated value of about $2 million. pic.twitter.com/uPYt6tSHMs

— People's Daily, China (@PDChina) November 5, 2019

भरपूर महागडी असलेली ही टॉयलेट सीट फारच आकर्षक आहे. शुद्ध सोन्यापासून तयार केलेल्या या सीटचे काही फोटो सोशल मीडियात व्हायरल झाले आहेत. यात बुलेट प्रूफ काचाचा वापर करण्यात आलाय, ज्यावर ४०,८१५ हिरे जडवण्यात आले आहेत. हे सर्वच हिरे एकूण ३३४.६८ कॅरेटचे आहेत. ही टॉयलेट सीट चायना इंटरनॅशनल इम्पोर्ट एक्स्पोमध्ये सोमवारी प्रदर्शित करण्यात आली होती.

किती आहे याची किंमत?

A gold toilet decorated with 40,815 pieces of 334.68-carat diamond on its bullet-proof glass lid is on display at the 2nd China International Import Expo in Shangha. The toilet is expected to set a Guinness World Record on the afternoon of Nov. 6, local media reported. pic.twitter.com/Kh9kqRumar

— China News 中国新闻网 (@Echinanews) November 5, 2019

खास बाब ही आहे की, ही सीट हॉंगकॉंगची कोरोनेट या ज्वेलरी ब्रॅन्डने तयार केली आहे. या टॉयलेट सीटची किंमत १,२००,००० डॉलर म्हणजेच ८.५२ कोटी रूपयांची आहे. ज्वेलरी ब्रॅन्डचे संस्थापक एरॉन शम यांनी याबाबत खुलासा करण्यास नकार दिला की, ही टॉयलेट सीट खरेदी करण्याची कुणाची इच्छा आहे की नाही. त्यांनी सांगितले की, ते हे विकणार नाहीत.

'डेली मेल' सोबत बोलताना एरॉन यांनी सांगितले की, 'आम्ही एक डायमंड आर्ट म्युझिअम करायचं आहे. आम्हाला असं वाटतं की, जास्तीत जास्त लोकांनी हे पहावं आणि त्यांनी आनंद घ्यावा'. सोशल मीडियावर या टॉयलेट सीटवरून वाद पेटला आहे. अनेकजण याचं कौतुक करणार आहे तर अनेकांनी यावर टिका केली आहे.