शाळेतील कॉम्प्युटर चोरी करून पळाला चोर, पण त्याआधी लिहून गेला - It's Me DHOOM 4

Thieves Steal Computers From School:या अजब घटनेत चोरांनी ओडिशाच्या शाळेतून कॉम्प्युटर आणि इतर काही वस्तूंची चोरी केली आणि एका ब्लॅक बोर्डवर मेसेज लिहिला की, : 'इट्स मी धूम 4'.

Thieves Steal Computers From School: लोकप्रिय बॉलिवूड सिनेमा 'धूम 2' तुम्ही नक्कीच पाहिला असेल. ज्यात हृतिक रोशन चोराच्या भूमिकेत होता. तो चोरी करून एक खूण सोडून जात होता. ज्यावरून लोकांना समजत होतं की, चोरी करणारी व्यक्ती एकच आहे आणि तो खूप हुशार आहे. सोशल मीडियावर सध्या एक फोटो व्हायरल झाला आहे. ज्यात एका चोराने चोरी केल्यानंतर शाळेतील ब्लॅक बोर्डवर लिहिलं की, ''इट्स मी धूम 4' (It's Me Dhoom 4). 

या अजब घटनेत चोरांनी ओडिशाच्या शाळेतून कॉम्प्युटर आणि इतर काही वस्तूंची चोरी केली आणि एका ब्लॅक बोर्डवर मेसेज लिहिला की, : 'इट्स मी धूम 4'. ही घटना गेल्या शुक्रवारी नबरंगपूरच्या इंद्रावती हायस्कूलमधील आहे.

शनिवारी सकाळी शाळेतील चपराश्याला मुख्य गेट तुटलेलं दिसलं आणि त्याने लगेच याची सूचना मुख्याध्यापकांना दिली. त्यांनी नंतर पोलिसांना बोलवलं. रिपोर्टनुसार, चोरांच्या एका टोळीने कथितपणे शाळेत प्रवेश केला आणि एक कॉम्प्युटर, एक फोटोकॉपिअर, एक वजन मशीन, साऊंड बॉक्स आणि इतरही काही वस्तू लंपास केल्या. 

चोरांनी पोलिसांना आव्हान दिलं की, 'मी धूम - 4 आहे. आम्ही परत येऊ'. चोरांनी ब्लॅक बोर्डवर पुढे लिहिलं होतं की, आम्ही लवकरच येऊ. शाळेतील मुलं आम्हाला पकडू शकत असतील तर त्यांनी पकडावं'. त्यांनी ब्लॅक बोर्डवर काही नंबरही लिहिले होते. आश्चर्याची बाब म्हणजे ब्लॅक बोर्डवर लिहिलेला नंबर शाळेतीलच एका शिक्षकाचा आहे. या शिक्षकाने सांगितलं की, त्याला काहीच कल्पना नाही की, चोरांनी त्यांचा  नंबर का लिहिला. पोलीस चोरांचा शोध घेत आहेत.