Shocking Trending News: लग्नमंडपात अचानक आली शवपेटी, झाकण उडघताच पाहुण्यांना बसला धक्का

लग्नाच्या ठिकाणी शवपेटी का आली, त्यातून काय निघालं... वाचा सविस्तर

Shocking Trending News: लग्नात, लोक वधू-वरांना आशीर्वाद देण्यासाठी येतात. जोडप्याचा संसार सुखाचा व्हावा अशी साऱ्यांचीच इच्छा असते. परंतु अशी कल्पना करा की लग्नाच्या मंडपात सारे जण प्रसन्न वातावरण असताना अचानक कॉफीन (शवपेटी) आणली गेली तर.... असं काही घडलं तर नक्कीच तेथे उपस्थित सर्व पाहुणे मंडळींना नक्कीच धक्का बसेल. असाच एक प्रकार नुकताच घडला. एका ठिकाणी ख्रिश्चन पद्धतीने होणाऱ्या लग्नासाठी सारे जण जमले होते. त्याच वेळी तेथे एक कॉफीन आणली गेली. महत्त्वाची गोष्ट म्हणजे ज्यावेळी ती कॉफीन आणली गेली, त्यावेळी ती उघडल्यानंतर जे दिसलं ते अजूनच धक्कादायक होतं.

ही घटना अमेरिकेतील एका शहरातील आहे. न्यूयॉर्क पोस्टच्या रिपोर्टनुसार, एक व्यक्ती आपल्या मैत्रिणीसोबत विवाहबद्ध होणार होता. त्याआधी दोघेही बराच काळ एकमेकांसोबत रिलेशनशिपमध्ये होते. काही काळापूर्वी मुलाने मुलीला लग्नासाठी प्रपोज केले. मुलीनेही होकार दिला. त्यानंतर त्यांचा लग्नाचा दिवस जेव्हा जवळ आला, त्यावेळी जे घडलं ते साऱ्यांनाच आश्चर्यचकित करणारं होतं.

शवपेटी पाहून लोक आश्चर्यचकित झाले

लग्नाच्या दिवशी मंडपात सर्वत्र प्रसन्न वातावरण होते. सारेच आनंदात होते. लग्नाचा माहोल होता. वधू नटून सजून लग्नमंडपात आली. सारेच त्यानंतर तिच्या सौंदर्याचे कौतुक करू लागले. अशा वेळी अचानक त्या लग्नमंडपाच्या आवारात एक शवपेटी घेऊन चार जण आले. कॉफीन पाहून पाहुण्यांना धक्काच बसला. त्यानंतर बराच वेळ लग्नमंडपात वातावरण गंभीर झाले होते. एका बाजूला लग्नसमारंभात पाहुण्यांचा मेळा होता. दुसरीकडे एक ट्रक तिथे पोहोचला. यानंतर काही जणांनी ट्रकमधून शवपेटी काढली आणि लग्नमंडपात घेऊन गेली. पण शवपेटी उघडताच लोकांना आश्चर्याचा धक्का बसला. कारण त्या शवपेटीतून चक्क नवरदेव बाहेर आला.

याचा एक व्हिडिओ देखील व्हायरल झाला आहे. नवरदेवाची ही कृती पाहून काही पाहुणे भडकले तर काहींनी या गमतीची मजा घेतली.