पती-पत्नीच्या प्रेमात पडली २६ वर्षीय तरूणी, आता तिघेही एकत्र करतात संसार
By ऑनलाइन लोकमत | Published: December 10, 2021 04:38 PM2021-12-10T16:38:09+5:302021-12-10T16:43:12+5:30
न्यूयॉर्कची राहणारी २६ वर्षीय नर्स रेबेका बोनोची भेट २९ वर्षीय डॉक्टर मार्टी कोलेसोबत ऑफिसमध्ये झाली होती. दोघांमध्ये आधी चांगली मैत्री झाली.
पती-पत्नीच्या प्रेमात पडली २६ वर्षीय तरूणी, आता तिघेही एकत्र करतात संसार
Next अमेरिकेत एका नर्सला तिच्यासोबत काम करत असलेल्या डॉक्टर आणि त्याच्या पत्नीवर प्रेम जडलं. आता तिघेही सोबत राहतात. न्यूयॉर्कची (New York) राहणारी २६ वर्षीय नर्स रेबेका बोनोची भेट २९ वर्षीय डॉक्टर मार्टी कोलेसोबत ऑफिसमध्ये झाली होती. दोघांमध्ये आधी चांगली मैत्री झाली.
नंतर जेव्हा रेबेकाला समजलं की, मार्टी २९ वर्षीय नताशा नावाच्या तरूणीसोबत रिलेशनशिपमध्ये आहे आणि त्यांचा साखरपुडा झालाय तेव्हा तिने विचार केला की, एक दिवस मार्टीच्या होणाऱ्या पत्नीलाही भेटावं. त्यानंतर जेव्हा तिघांचीही भेट झाली तेव्हा त्यांना याची अजिबात कल्पना नव्हती की, आता त्यांचं जीवन पूर्णपणे बदलणार आहे.
रेबेकाने सांगितलं की, 'कोरोनामुळे शहरात लॉकडाऊन लागला होता आणि सर्व ऑफिस बंद होते. त्यावेळी आम्ही तिघे नेहमीच एकत्र वेळ घालवायचो. कधी डॉगीला घेऊन फिरायला जाणं, तर कधी डीनर आणि सोबतच पार्टीला जाणं होत होतं. मे २०२० मध्ये आम्हाला जाणवलं की, आम्ही जास्तीत जास्त वेळ एकत्र घालवत आहोत. मग आम्हाला जाणवलं की, आम्ही तिघे जणू एका रिलेशनशिपमध्ये आहोत. पण लवकरच मार्टी आणि नताशा यांचं लग्न होणार होतं. तेव्हा आम्ही जरा चिंतेत पडलो की, आता काय करायच?'.
तिने सांगितलं की, 'मी इन्स्टाग्राम आणि सोशल मीडिया साइट्सवर बघणं सुरू केलं की, आमच्यासारखे आणखी लोक आहेत का. जे एकत्र रिलेशनशिपमध्ये राहून फॅमिलीला पुढे नेत आहेत'.
रेबेका म्हणाली की, 'मी फार कन्फ्यूज होते की, मी त्यांचं लग्न अटेंड करावं की नाही. त्यावर ते दोघेही म्हणाले होते की, मी त्यांच्या लग्नाला आले तर त्यांना चांगलं वाटेल. अखेर मी त्यांच्या लग्नाला गेले. माझे आई-वडिलही लग्नात होते. पण मी त्यांना सांगितलं की, आम्ही केवळ चांगले मित्र आहोत. त्यांना हे नव्हतं माहीत की, मी बायसेक्शुअल आहे. आणि हेही माहीत नव्हतं की, मी मार्टी आणि रेबेकासोबत रिलेशनशिपमध्ये होते'.
रेबेका म्हणाली की, 'पण मार्टी आणि नताशाच्या लग्नानंतर आम्हा तिघांचं नातं तसंच आहे. आम्ही तिघे अजूनही सोबत राहतो. तेही आधीसारखेच. मी माझं घर सोडून आता त्यांच्या घरात शिफ्ट झाले आहे. आधी माझ्या घरातील लोकांचा विरोध होता. पण त्यांनी जेव्हा पाहिलं की, मी दोघांसोबत आनंदी आहे तर त्यांनीही मला सपोर्ट केला'.