Viral News: हिटलरच्या तुरुंगातून पळ काढणाऱ्या सैनिकाच्या 'रोलेक्स'चा लिलाव; कोट्यवधी रुपयांमध्ये विक्री

Viral News: दुसऱ्या महायुद्धादरम्यान हिटलरच्या छावणीतून पळून जाणाऱ्या ब्रिटीश सैनिकाच्या रोलेक्स घडाळ्याला लिलावात कोट्यवधी रुपयांची बोली लागली.

Viral News: हुकूमशहा अॅडॉल्फ हिटलरने दुसऱ्या महायुद्धावेळी हजारो सैनिकांना बंदी बनवले होते. हिटलरच्या तुरुंगातून पळून जाणे जवळजवळ अशक्य होते, पण अनेकांनी यातून पळ काढला होता. अशाच एका ब्रिटिश कैद्याने घातलेल्या रोलेक्स घड्याळाचा इतक्या वर्षानंतर लिलाव करण्यात आला आहे. गुरुवारी न्यूयॉर्क येथे झालेल्या लिलावात घड्याळाला $1,89,000 (रु.1,47 कोटी)बोली लागली.

अॅडॉल्फ हिटलरच्या काळात त्याच्या पक्षाला नाझी पार्टी म्हटले जायचे, तर जर्मनीला नाझी जर्मनी म्हणत. या नाझी छावणीतून पळ काढणाऱ्या एका ब्रिटिश सैनिकाच्या घड्याळाचा इतक्या वर्षानंतर लिलाव झाला. दरम्यान, घड्याळ खरेदी करणाऱ्या व्यक्तीचे नाव अद्याप समोर आलेले नाही. लिलाव करणाऱ्यांनी घड्याळाची विक्री किंमत 2 लाख ते 4 लाख डॉलर्सपर्यंत सांगितली जात होती. परंतू, लिलावात घडाळ्याला कोट्यवधी रुपयांची बोली लागली.

अशी आहे घड्याळाची कथा...
24 मार्च 1944 रोजी नाझी कैदी छावणीतून ब्रिटिश सैनिकांचा एक गट पळून गेला होता. या गटामध्ये गेराल्ड एम्सन नावाच्या ब्रिटिश सैनिकाचाही समावेश होता. हे घड्याळ त्याचेच आहे. हिटलरच्या छावणीतून पळून जाणे खूप मोठी गोष्ट होती. या घटनेवर आधारित 1963 मध्ये 'द ग्रेट एस्केप' नावाचा चित्रपटही आला आहे.

कैद्यांना पळून जाण्यात घडाळाची मोठी मदत
या घड्याळाचा लिलाव आयोजित करणाऱ्या क्रिस्टीज या लिलाव कंपनीने म्हटले की, एम्सनने हे घड्याळ स्वित्झर्लंडमधून मागवले होते. ही छावनी सध्याच्या पोलंडमधील झगान या शहराजवळ आहे. काळ्या रंगाचे चमकदार डायल असलेले हे स्टीलचे घड्याळ कैद्यांच्या सुटकेसाठी खूप उपयुक्त ठरल्याचे लिलावगृहाचे म्हणणे आहे. किस्टिगेच्या म्हणण्यानुसार, या घड्याळामुळेच कैद्यांना बोगदा ओलांडण्यासाठी किती वेळ लागेल, हे कळाले. यासोबतच त्यांना पहारेकऱ्यांच्या गस्तीची वेळही समजली.

पळून गेलेल्या कैद्यांचे काय झाले?
हिटलरच्या छावणीतून सुमारे 200 कैदी पळून गेले होते. मात्र, तेथून केवळ 76 जणांची सुटका होऊ शकली, इतर कैदी पुन्हा पकडले गेले. या दुर्दैवी कैद्यांमध्ये एम्सनही होता. परत पकडलेल्या कैद्यांपैकी 50 कैद्यांना फाशी देण्यात आली. सुदैवाने एम्सन फाशीपासून बचावला. अखेर 1945 मध्ये युद्ध संपल्यानंतर एम्सनची छावणीतून सुटका करण्यात आली. एम्सनने 2003 मध्ये मृत्यू होईपर्यंत हे घड्याळ स्वतःजवळ ठेवले होते.