ज्योतिषाच्या सांगण्यावरून शेतकऱ्याने सापाला जीभ दाखवायला सुरुवात केली, मग जे झालं ते भयंकर...

साप चावल्याच्या घटना आपण अनेक पाहिल्या आहेत. पण, तामिळनाडूतून एक वेगळी घटना समोर आली आहे, येथे एका सापाने शेतकऱ्याची जीभ चावल्याची घटना समोर आली आहे. यामुळे आता त्या शेतकऱ्याला स्वत:चा आवाज कायमचाच गमवावा लागला. 

त्या शेतकऱ्याने स्वतःच सापासमोर आपली जीभ दाखवली होती, कारण एका ज्योतिषाने त्या शेतकऱ्याला तसे करण्यास सांगितले होते. ही घटना तामिळनाडूतील इरोड येथील आहे. येथील राजा नावाच्या एका शेतकऱ्याला साप चावल्याचे सारखे स्वप्नात दिसत होते. त्या स्वप्नाने त्याला त्रास होत होता.यानंतर तो शेवटी एका ज्योतिषाकडे गेला आणि त्याला सर्व हकीकत सांगितली. ज्योतिषाने शेतकऱ्याला सर्प मंदिरात जाऊन वाईट स्वप्नांसाठी काही विधी करण्याचा सल्ला दिला.

यानंतर शेतकऱ्याने जवळच्या सर्प मंदिरात जाऊन विधी केला. त्या शेतकऱ्याला वाटले यानंतर बरे होईल, पण त्यानंतर जे घडले ते धक्कादायक आहे. ज्योतिषाने सांगितलेल्या विधीनुसार, शेतकऱ्याने मंदिरात जाऊन सापासमोर आपली जीभ तीन वेळा बाहेर काढली. यावेळी त्या सापाने शेतकऱ्याची जीभ चावली आणि शेतकरी तिथेच रडू लागला.

 

लग्नाच्या दिवशीही 'वर्क फ्रॉम होम'; 'हा' फोटो पाहून नेटकरी म्हणाले, 'कंपनीवाले लग्नाला तर सुट्टी द्या'...

यावेळी लोकांनी त्याला रुग्णालयात दाखल केले. तोपर्यंत खूप उशीर झाला होता. रुग्णालयात जात असताना तो बेशुद्धही झाला. त्याला इरोड येथील मॅनियन मेडिकल सेंटरमध्ये नेण्यात आले आणि तेथे त्याच्यावर उपचार करण्यात आले. पण, यावेळी शेतकऱ्याचा आवाज गेला होता. आता तो शेतकरी कधीच बोलू शकणार नाही. या शेतकऱ्याला सापासमोर जीभ बाहेर काढणे महागात पडले आहे.