VIDEO- काकांचा गोविंदा स्टाइल 'दिल खोल के डान्स', सोशल मीडियावर धुमाकूळ

माणूस वयाने मोठा झाला तरी त्याने मनाने कायम तरूण असलं पाहिजे.

मुंबई- सोशल मीडियावर सध्या एका काकांच्या डान्सचा व्हिडीओ व्हायरल होतो आहे. पण हे काका म्हणायला फक्त वयापुरतेच आहेत. त्यांची एनर्जी एखाद्या तरुणालाही लाजवेल अशी आहे. माणूस वयाने मोठा झाला तरी त्याने मनाने कायम तरूण असलं पाहिजे, असं बोललं जातं. पण हे वाक्य काकांनी खरं करून दाखवलं आहे.

सोशल मीडियावर व्हायरल झालेल्या या व्हिडीओमध्ये एक काका गोविंदाच्या 'आप के आ जाने से' या गाण्यावर दिल खोल के नाचताना दिसत आहेत. गोविंदाने ज्या प्रमाणे या गाण्यावर डान्स केला अगदी तपास डान्स या काकांनी केला आहे. गाणं सुरु झाल्यावर त्यांचा गोविंदा स्टाइल डान्स पाहून उपस्थितही टाळ्या वाजवून त्यांचा उत्साह वाढवत असल्याचं ऐकायला येत आहे. 

सोशल मीडियावर कालपासून व्हायरल झालेल्या या व्हिडीओवर युजर्स अक्षरशः तुटून पडले आहेत. दरम्यान, व्हिडीओमध्ये बेभान डान्स करताना दिसत असलेल्या या व्यक्तीचं नाव संजीव श्रीवास्तव असून ते मध्य प्रदेशातील विदिशाचे राहणारे असल्याचं समजतं आहे. संजीव श्रीवास्तव हे इंजिनिअर असून भोपाळच्या बाभा इंजिनिअरिंग रिसर्च इन्सिट्यूटमध्ये ते असिस्टंट प्रोफेसर पदावर कार्यरत आहेत. 
दरम्यान, गोविंदा आणि निलम यांच्या 'खुदगर्ज' (1987) सिनेमातील 'दिल बहलता है मेरा.. आपके आ जाने से' हे गाणं गाजलं. मोहम्मद अझिझ-साधना सरगम यांच्या आवाजातील या डान्स नंबरला गोविंदाने पुरेपूर न्याय दिला होता. आता पुन्हा एकदा हे गाणं चर्चेत आलं आहे.