VIRAL : बंजी जम्पिंगवेळी इन्स्ट्रक्टरने दोरी न लावताच तरुणीला खाली ढकललं, अन्...

पुढच्याच क्षणाला इन्स्ट्रक्टरला आपली चूक लक्षात आली मात्र तोपर्यंत वेळ निघून गेली होती.

मुंबई: सध्याच्या जमान्यात सोशल मीडियामुळे कोणतीही घटना व्हायरल व्हायला फारसा वेळ लागत नाही. मग तो एखादा अपघात असो किंवा मजेशीर प्रसंग अथवा व्हीडिओ असो, अवघ्या काही क्षणांमध्ये त्याची क्लीप लोकांपर्यंत पोहोचलेली असते.

सध्या इंटरनेटवर एका अपघाताची क्लीप अशीच व्हायरल होत आहे. या क्लीपमध्ये एक तरुणी बंजी जम्पिंग करताना दिसत आहे. एका दरीच्या टोकावरून ही तरूणी बंजी जम्प करायच्या तयारीत दिसते. तिच्या पाठीमागे एक इन्स्ट्रक्टरही उभा असलेला दिसत आहे. हा इन्स्ट्रक्टर या तरूणीला दरीत ढकलून देतो. मात्र, पुढच्याच क्षणाला त्याला आपली चूक लक्षात येते. या तरूणीला खाली ढकलून देताना सुरक्षेसाठी आवश्यक असलेल्या दोरखंडाशी (रोप) तिला जोडण्यात आले नव्हते. वरच्या बाजूला रोप तसाच लटकत असल्याचे दिसल्यानंतर इन्स्ट्रक्टरला ही गोष्ट लक्षात आली. मात्र, तोपर्यंत वेळ निघून गेली होती. यानंतर या तरूणीचे काय झाले, हे अद्याप कळू शकलेले नाही. मात्र, इंटरनेटवर ही क्लीप तुफान व्हायरल झाली आहे.