नवरीला आणण्यासाठी गेला होता नवरदेव, कुटुंबिय परत घेऊन गेले मुलाचा मृतदेह

या घटनेचा व्हिडीओ व्हायरल झाला आहे. व्हायरल झालेल्या व्हिडिओत नवरदेव एका सोफ्यावर बसलेला दिसत आहे.

गेल्या काही वर्षात अशा घटना समोर आल्या आहेत ज्यात कमी वयाच्या लोकांचा मृत्यू झाला. कुठे कुणी एक्सरसाइज करताना पडले, तर कुणाचा ऑफिसमध्ये काम करता करता अचानक जीव गेला. अशाही अनेक घटना घडल्या ज्यात नवरदेव सुद्धा आपल्या लग्नात मरण पावले. 

अशीच एक घटना पाकिस्तानातून समोर आली आहे. सियालकोटच्या दस्कामध्ये एका लग्नात दु:खाचा डोंगर कोसळला जेव्हा लग्नादरम्यान आपल्या परिवारासोबत स्टेजवर बसलेला नवरदेव अचानक बेशुद्ध झाला आणि त्यानंतर त्याचा मृत्यू झाला.

या घटनेचा व्हिडीओ व्हायरल झाला आहे. व्हायरल झालेल्या व्हिडिओत नवरदेव एका सोफ्यावर बसलेला दिसत आहे आणि त्याच्यासोबत त्याच्या कुटुंबियांचे सदस्य आहेत. जियो न्यूजच्या एका रिपोर्टनुसार, निकाहादरम्यान नवरदेवाची तब्येत बिघडली. यावेळी तो अचानक बेशुद्ध झाला. 

नवरदेवाची ही स्थिती पाहून सगळ्यांचा आनंद हिरावला गेला. सगळे लोक घाबरलेले होते. सांगण्यात आलं की, लग्न मंडपात नवरदेवाची नाडी तपासण्यात आली आणि त्याला मृत घोषित केलं. कुटुंबियांनी पोलिसांना सांगितलं की, नवरदेवाचा मृत्यू हार्ट अटॅकमुळे झाला.