550 रूपयात खरेदी केली सेकंड हॅंड बॅग, आत सापडलं असं काही की हैराण झाली महिला

 या महिलेचं नाव ल्योनारा सिल्वरमॅन आहे. तिने सांगितलं की, गुडविल थ्रिफ्ट स्टोरमधून साधारण साडे पाचशे रूपयांची बॅग खरेदी केली होती. ही बॅग सेकंड हॅंड होती.

असं म्हणतात की, कधी कुणाचं नशीब कसं चमकेल काहीच सांगता येत नाही. एका महिलेसोबत तसंच झालं. या महिलेने एक सेकंड हॅंड बॅग खरेदी केली होती. जेव्हा तिने ही सेकंड हॅंड बॅग खरेदी केली आणि ती उघडली तेव्हा त्या जे दिसलं ते पाहून हैराण झाली. या बॅगेत तिला 23 हजार रूपये ठेवलेला एक लिफाफा मिळाला. महिलेने स्वत: या घटनेबाबत सोशल मीडियावर व्हिडीओ पोस्ट केला. हा व्हिडीओ व्हायरल झाला असून लोक त्यावर वेगवेगळ्या प्रतिक्रिया देत आहेत. 

 या महिलेचं नाव ल्योनारा सिल्वरमॅन आहे. तिने सांगितलं की, गुडविल थ्रिफ्ट स्टोरमधून साधारण साडे पाचशे रूपयांची बॅग खरेदी केली होती. ही बॅग सेकंड हॅंड होती. महिला चांगली आनंदी होती कारण फार कमी किंमतीत तिला चांगली बॅग मिळाली होती. पण जेव्हा तिने बॅग उघडून पाहिली तेव्हा त्यात तिला बरेच पैसे सापडले. त्यासोबतच या बॅगमध्ये एक लिफाफाही होता. ज्यात गुपित लपलं होतं. एका अमेरिकन कंपनीची फाउंडर सिल्वरमॅन लोकांसमोर ही बॅग उघडताना दिसत आहे. बॅगेत 23 हजार रूपये होते. लिफाफ्यावर मार्था नावाच्या महिलेने काहीतरी लिहिलं होतं.

मार्थाने पत्रात लिहिलं होतं की, तिला तीन मुलं आहेत आणि मी मेल्यानंतर मुलं माझ्या वस्तू दुसऱ्यांना देतील. त्यामुळे मी त्या वस्तू यात ठेवत आहे. कारण ही बॅग मला माझ्या पतीच्या गर्लफ्रेन्डने दिली होती. तिने पुढे लिहिलं की, त्या दिवशी ती तिच्या पॅरेंट्सच्या घरून लवकर आली होती. घाईघाईत पतीची गर्लफ्रेन्ड तिची बॅग आणि शूज तिथेच विसरून गेली होती. मार्थाने लिहिलं की, तेव्हापासून ही बॅग मी माझ्यासोबत ठेवली. पण पतीला कधीच संशय आला नाही की, ही बॅग त्याच्या गर्लफ्रेन्डची आहे. सोशल मीडियावर हा व्हिडीओ व्हायरल झाला आहे. आतापर्यंत या व्हिडीओला 40 लाखांपेक्षा जास्त व्ह्यूज मिळाले आहेत.