मॉलबाहेर असलेल्या बेघर व्यक्तीच्या प्रेमात पडली तरूणी, घरी आणलं लग्न केलं आणि....

Love Story : ही कहाणी एखाद्या परीकथेसारखी आहे. ज्यात एखादा देवदूत एखाद्या व्यक्तीचं नशीब बदलून टाकतो. मॅकॉली मर्ची नावाच्या बेघर व्यक्तीसाठी ही देवदूत ठरली जॅस्मिन ग्रोगन.

Love Story : आतापर्यंत तुम्ही अनेक लव्हस्टोरीज (Love Story) पाहिल्या असतील, ऐकल्या असतील आणि वाचल्या असतील. पण एका कॅमेडिअन तरूणीने तिची सांगितलेली लव्हस्टोरी केवळ एखाद्या सिनेमातच बघायला मिळू शकते. जॅस्मिन ग्रोगन (Jasmine Grogan) असं या तरूणीचं नाव आहे. तिने तिची लव्हस्टोरी सोशल मीडियाच्या माध्यमातून सांगितली तेव्हा सगळेच हैराण झाले. जॅस्मिनने ज्या व्यक्तीसोबत लग्न केलं, तो तिला रस्त्यावर बेघर असलेला आढळला होता. त्याला बघताच जॅस्मिन त्याच्या प्रेमात पडली आणि दोघांनी नंतर लग्नही केलं.

ही कहाणी एखाद्या परीकथेसारखी आहे. ज्यात एखादा देवदूत एखाद्या व्यक्तीचं नशीब बदलून टाकतो. मॅकॉली मर्ची नावाच्या बेघर व्यक्तीसाठी ही देवदूत ठरली जॅस्मिन ग्रोगन. तिने त्याचं नशीब तर बदललंच सोबतच लग्न केलं आणि दोन मुलंही दिली.

Mirror च्या रिपोर्टनुसार, जॅस्मिन आणि मॅकॉलीच्या प्रेमाची सुरूवात एका मॉलच्या बाहेर झाली होती. ती काही साहित्य खरेदी करण्यासाठी मॉलमध्ये गेली होती. तेव्हा तिला एक बेघर व्यक्ती दिसली. तिने त्याला काही पैसे देऊ केले, पण त्याने घेण्यास नकार दिला. जॅस्मिन शॉपिंग दरम्यान याबाबत विचार करत राहिली. जेव्हा ती साहित्य घेऊन बाहेर आली तेव्हा त्या बेघर व्यक्तीने तिला सामान गाडीत ठेवण्यास मदत केली. त्या रात्री ती त्याला डीनरला घेऊन गेली आणि त्याच्या आयुष्याबाबत ते बोलले.

इतकंच नाही तर जॅस्मिनने त्याला एक नवीन फोन घेऊन दिला जेणेकरून दोघांना बोलता यावं. तसेच त्याला एका हॉटेलमध्ये रूमही दिली. काही दिवस बोलल्यानंतर ते डेटला गेले. जॅस्मिनने त्याला नवीन कपडे दिले. हळूहळू त्यांच्या भेटीचा सिलसिला वाढला आणि दोघेही प्रेमात पडले.

जसजसे मॅकॉली आणि जॅस्मिन भेटायलला लागले. त्यांचं नातं पुढच्या लेव्हलला जात गेलं. त्याला नंतर नोकरी लागली आणि मग त्याने जॅस्मिनला प्रपोज केलं. जॅस्मिनने होकार दिल्यावर त्यांनी लग्न केलं आणि त्यांना आता दोन मुले आहेत. जॅस्मिन या नात्याने फार  आनंदी आहे. ती म्हणाली की, ती मॅकॉली शिवाय जीवनाचा विचारही करू शकत नाही. तिची ही लव्हस्टोरी लोकांना खूप आवडत आहे. आतापर्यंत त्यांचा व्हिडीओ ७० लाखांपेक्षा जास्त लोकांनी पाहिलाय.