ढेकर देऊन कोट्यावधी रूपयांची करते कमाई, महिलेचा दावा; म्हणाली - लोक करतात डिमांड

आधी फुट स्कीन आणि वापरलेल्या पॅंटी सारखे अजब बिझनेस केलेल्या महिलेने दावा केला आहे की, ती आता ढेकर कंटेंट विकत आहे आणि लोक यासाठी तिला रिक्वेस्टही करत आहे.

अलिकडे लोक ऑनलाईनवरून असे असे विचित्र काम करून पैसे कमवतात की, वाचून हैराण व्हायला होतं. कुणी घामापासून परफ्यूम तयार करून विकतात तर कुणी वापरलेले सॉक्स किंवा अंडरगारमेंट्स विकून पैसे कमावतात. पण आता एक महिला अजून वेगळं करत आहे. एका महिलेने दावा केला की, ती तिची ढेकर विकून कोट्यावधी रूपये कमाई करत आहे. आधी फुट स्कीन आणि वापरलेल्या पॅंटी सारखे अजब बिझनेस केलेल्या महिलेने दावा केला आहे की, ती आता ढेकर कंटेंट विकत आहे आणि लोक यासाठी तिला रिक्वेस्टही करत आहे.

29 वर्षीय रेबेका ब्लू चा दावा आहे की, लोकांच्या अजब फॅंटसीसाठी ती तिची एक पॅकेट ढेकर 100 डॉलर म्हणजे 8 हजार रूपयात विकत आहे. एका वेबसाइटला ब्लूने सांगितलं की, अशा कंटेंटसाठी अजब रिक्वेस्ट येतात. पण मी कस्टमरच्या अजब फॅंटससाठी सर्विस देते. ब्लू चे टिकटॉकवर 10 लाख फॉलोअर आहेत. यावर एक व्हिडीओ शेअर  करून तिने तिच्या बिझनेसबाबत माहिती दिली.

ढेकर कंटेंटसाठी रिक्वेस्ट

ब्लू म्हणाली की, सोशल मीडियावर फेमस झाल्यावर ती बर्प कंटेंट बनवत आहे. पण 2022 मध्ये तिला याबाबत रिक्वेस्ट येऊ लागल्या. याने लोकांना सॅटिस्फॅक्शन मिळतं. ब्लू म्हणाली की, आता ती तिच्या कस्टमरसाठी ढेकर व्हिडीओ कंटेंट बनवत आहे. जेवढ्या जास्त ऑर्डर तेवढी जास्त माझी कमाई.

ती म्हणाली की, प्रत्येक कस्टमरची वेगळी डिमांड असते. काही डिमांड करतात की, मी व्हिडीओमध्ये ढेकर देऊन आपल्या पोटावरून हात फिरवू. पण ढेकर देणं सोपं काम नाही. कारण आपल्या शरीराला गॅसी मूमेंटसाठी तयार करण्यास वेळ लागतो. मी पोटभर जेवण करते ज्यात कांदा आणि सोडासारखे पदार्थ असतात. मी सगळ्या प्रकारचे सोडा ट्राय केले आहेत. याने शरीरावर वाईट परिमाण होऊ शकतो. त्यानुसार मी लोकांकडून पैसे घेते.