'विवाहित आहे पण तीन बॉयफ्रेंडही आहेत', महिलेने सांगितलं जीवनाचं मोठं रहस्य

60 वर्षीय लिसा वॅन सॅंड आणि 63 वर्षीय एवरेट हार्लो यांच्या लग्नाला 36 वर्ष झाली आहेत. दोघेही अमेरिकेच्या फ्लोरिडामध्ये राहतात.

नात्यांच्या अनेक अजब घटना परदेशातून नेहमीच ऐकायला मिळतात. येथील नाती फारच चक्रावून सोडतात. एका कपलने त्यांच्या अजब रिलेशनशिपबाबत सांगितलं तेव्हा वाचून लोक हैराण झालेत. त्यांचं म्हणणं आहे की, ती दोघे तीन वर्षांपासून कधीच सोबत झोपले नाहीत. तरीही त्यांच्यात सगळं काही चांगलं सुरू आहे. यामागचं सगळ्यात मोठं कारण दुसऱ्या लोकांना डेट करणं आहे. 60 वर्षीय लिसा वॅन सॅंड आणि 63 वर्षीय एवरेट हार्लो यांच्या लग्नाला 36 वर्ष झाली आहेत. दोघेही अमेरिकेच्या फ्लोरिडामध्ये राहतात.

लिसाने सांगितलं याची सुरूवात कशी झाली. दोघेही पती-पत्नी आपल्या नात्यात आनंदी होते. मग एक दिवस फेब्रुवारी 2010 मध्ये लिसाला तिचा पती एवरेटने सांगितलं की, त्याने त्याच्या एका मैत्रिणीसोबत संबंध ठेवले. मिरर यूकेच्या रिपोर्टनुसार, यावर लिसा रागावली नाहीतर आनंदी झाली.

इथूनच पती-पत्नीच्या डोक्यात लग्न न मोडता दुसऱ्या लोकांना डेट करण्याची आयडिया आली. ते असं गेल्या पाच वर्षांपासून करत आहेत. एवरेट आतापर्यंत पाच रिलेशनशिपमध्ये राहिलाय, तर लिसाचे तीन बॉयफ्रेंड आहेत. हे तिघेही देशाच्या वेगवेगळ्या भागात राहतात. 

लिसा म्हणाली की, 'आमच्यासारखं लग्न सगळ्यांसाठी नाहीये. पण आमच्यासाठी हे काम करून गेलं. अनेक विवाहित लोक असं जगत नाहीत. ते त्यांच्या पद्धतीने जगतात. पण एवरेट आणि मी एकमेकांवर खूप प्रेम करतो. सोबतच आम्ही दुसऱ्यांना डेटही करतो'.

आम्हाला दुसऱ्या पार्टनरमध्ये त्या क्वालिटी मिळतात, ज्या आम्हा एकमेकांकडे नाहीयेत. माझा पती रोमॅंटिक नाहीये. त्यामुळे त्याला असे लोक आवडतात जे माझ्यासोबत रोमॅंटिक पद्धतीने वागतात. एवरेटला फिजिकल कनेक्शन जास्त पसंत आहे.

लिसा म्हणाली की, ती एका मित्राच्या माध्यमातून 1986 मध्ये एवरेटला भेटली होती. दोघांनी दोन महिन्यात एंगेजमेंट केली. नंतर 1987 मध्ये लग्न. लग्नाच्या 23 वर्षानंतर एवरेटने लिसाला सांगितलं की, त्याने एका दुसऱ्या महिलेसोबत संबंध ठेवले. ऑक्टोबर 2019 मध्ये एवरेटने एका महिलेला डेट करणं सुरू केलं. त्याच्या तीन महिन्यांनंतर लिसाने एका व्यक्तीला डेट करणं सुरू केलं.