VIDEO : महिलेने स्वत:च्याच घराला लावली आग, नंतर अंगणात खुर्चीवर बसून बघता राहिली तमाशा.....

ही घटना अमेरिकेच्या मेरीलॅंड शहरातील आहे. इंडिपेंडेंट डॉट यूकेच्या रिपोर्टनुसार, महिलेने आपल्याच घराला आग लावली.

जगभरातून वेगवेगळ्या विचित्र घटना नेहमीच ऐकायला मिळतात. लोक असा काही कारनामा करतात की, त्यावर विश्वासही बसत नाही. अशीच एक धक्कादायक घटना समोर आली आहे. एका महिलेने तिचं घर आगीच्या हवाली केलं आणि बाहेर खुर्चीवर बसून ती घर जळताना बघत राहिली. ही घटना अमेरिकेतील आहे. 

ही घटना अमेरिकेच्या मेरीलॅंड शहरातील आहे. इंडिपेंडेंट डॉट यूकेच्या रिपोर्टनुसार, महिलेने आपल्याच घराला आग लावली. यानंतर ती घरासमोरील लॉनवर खुर्ची टाकून आरामात बसली आणि घर जळताना बघत राहिली. या घटनेचा व्हिडीओ सोशल मीडियावर व्हायरल झाला आहे. तिथे उपस्थित अनेकांनी या महिलेचं घर जळताना पाहिली आहे. त्यांनी या घटनेचा व्हिडीओ काढला.

घटनेआधी घरात काहीतरी हालचाल होते, त्यानंतर घरातून मोठा आवाज येतो. हा भांडणासारखा आवाज होता. त्यानंतर घराला अचानक आग लागते. घर हळूहळू पेटू लागतं. पाहता पाहता पूर्ण घर आगीच्या हवाली होतं. महिला बाहेर खुर्चीवरून घर जळताना बघत असते.

Maryland Woman set her own home on fire while someone was still inside, she kindly opened her chair on the lawn and watched it burn... 😳😳😳 The person in the basement escaped ..#Fire#Marylandpic.twitter.com/yFzcjm32zR

— #BLM Marilyn 🍑✊🏾 (@mspeachz1) May 6, 2021

रिपोर्टनुसार, या महिलेचं नाव गेल मेटवली आहे. महिलेला पोलिसांनी ताब्यात घेतलं. असे सांगितले जात आहे की, गेल मेटवलीवर हत्येच्या प्रयत्नाचा आरोप आणि मारझोड केल्याचा आरोप आहे. मेरीलॅंड अग्नीशमन दलाकडून सध्या या घटनेची चौकशी केली जात आहे.

प्रत्यक्षदर्शींनी सांगितले की, एक व्यक्ती घराच्या बेसमेंटमध्ये अडकली होती. त्याचा रडण्याचा  आवाज ऐकून जवळच्या काही लोकांनी त्याला खिडकीतून बाहेर काढलं. त्याचा जीव वाचवला. सध्या महिला पोलिसांच्या ताब्यात आहे. रिपोर्टनुसार, पोलीस या घटनेच्या कारणांचा शोध घेत आहेत. महिलेच्या नातेवाईकांशी बोललं जाईल, शेजाऱ्यांशी बोललं जाईल.