बाबो! बॉयफ्रेंडने घातली 2 लाखांची अंगठी अन् दुसऱ्याच दिवशी गर्लफ्रेंडवर आली बोट कापण्याची वेळ

बॉयफ्रेंडने तब्बल 2 लाख रुपयांची अंगठी घालून प्रपोज केलं. पण दुसऱ्याच दिवशी तरुणीसोबत विपरित घडलं. बोट कापण्याची वेळ ओढावली आहे.

एकमेकांवरचं प्रेम व्यक्त करण्यासाठी अनेकजण नवनवीन कल्पना शोधत असतात. तर काही जण एखादी छानशी अंगठी देऊन प्रपोज करतात. पण अशाच आयुष्यातील सर्वात महत्त्वाचा क्षण हा एका तरुणीसाठी प्रचंड त्रासदायक ठरला आहे. एका तरुणीला तिच्या बॉयफ्रेंडने तब्बल 2 लाख रुपयांची अंगठी घालून प्रपोज केलं. पण दुसऱ्याच दिवशी तरुणीसोबत विपरित घडलं. बोट कापण्याची वेळ ओढावली आहे. साऊथ ईस्ट लंडनमध्ये ही घटना घडली आहे. 

पेरिएसा ओरोमेसाठी तिच्या आयुष्यातील सर्वात आनंदाचा क्षणच वेदनादायी ठरला. डेटिंगनंतर तिचा बॉयफ्रेंड विलिस ओरोमेने तिला लग्नासाठी प्रपोज केलं. त्याने  दोन लाख रुपयांची अंगठी तिच्या बोटात घातली. त्यानंतर तिच्या आनंदाला पारावर उरला नाही. पण हीच अंगठी या कपलसमोर मोठं संकट उभं करेल याची त्यांना कल्पनाही नव्हती. दुसऱ्या दिवशीच अंगठीमुळे तरुणीची इतकी अवस्था भयंकर झाली. तिचं बोट कापण्याची वेळ आली.

दुसऱ्या दिवशी पेरिएसा उठली तेव्हा तिला तिच्या बोटात काहीच संवेदना जाणवत नव्हत्या. तिने अंगठी काढण्याचा प्रयत्न केला. पण ती बोटात इतकी घट्ट बसली होती की काही केल्या निघेनाच. तिने बोटातून अंगठी काढण्याचे वेगवेगळे उपायही यूट्युबवर पाहिले. अगदी साबणापासून बर्फापर्यंत सर्वकाही तिने वापरून पाहिलं. पण तिचे सर्व प्रयत्न अपयशी ठरले. हळूहळू तिचं बोट सुजू लागलं आणि शेवटी बोटाचा रंगही बदलला. तिचं बोट जांभळं पडू लागले. त्यावेळी ती घाबरली आणि तिने फायर ब्रिगेडलाच फोन केला. 

कटरच्या मदतीने त्यांनी तरुणीच्या बोटातील अंगठी कापून काढली. अंगठी कापून काढताच पेरिएसाच्या त्या बोटातील रक्तप्रवाह सुरळीत झाला आणि बोट नीट झालं. या कपलने गेल्या वर्षी ऑक्टोबरमध्ये लग्न केलं. आपल्या लग्नाआधी झालेल्या हा आपला विचित्र अनुभव त्यांनी सोशल मीडियावर आता शेअर केला. एका हिंदी वेबसाईटने याबाबतचे वृत्त दिले आहे.