'माझी ईच्छा आहे आईने अफेअर करावं, कारण बाबा...', मुलीने पोस्ट करून सांगितला किस्सा....

मुलीने सोशल मीडिया प्लॅटफॉर्म रेडिटवर याबाबत सांगितलं. तिने एका ग्रुपवर लिहिलं की, तिची आई तिच्या संसारात आनंदी नाहीये.

एका मुलीने आपल्या आईला असं गिफ्ट दिलं जे काही लोकांना न आवडणारं होतं. तिने तिच्या आईकडे एक अफेअर करण्याची ईच्छा व्यक्त केली. मुलीने सोशल मीडिया प्लॅटफॉर्म रेडिटवर याबाबत सांगितलं. तिने एका ग्रुपवर लिहिलं की, तिची आई तिच्या संसारात आनंदी नाहीये.

असं तिच्या वडिलांमुळे झालं आहे. तिने लिहिलं की, ते फार कमी ऐकमेकांशी बोलतात. ते नेहमीच टीव्हीसमोर बसलेले असतात आणि तिला कधीच तिच्या आवडीचं काही बघायला मिळत नाही. ती त्यांच्यांसाठी रात्रीचं जेवण बनवते आणि ते कधी खातात कधी नाही. जेवण बनवण्यासाठी ते तिला कधी धन्यवादही म्हणत नाहीत.

न्यूयॉर्क पोस्टच्या रिपोर्टनुसार, मुलीने पुढे लिहिलं की, त्यांच्यातील प्रेम संपलं आहे. तिने मला सांगितलं की, झोपण्याआधी वडील कधी किसही करत नाही. मला आठवत नाही की, ते शेवटचे कधी डीनर डेटवर किंवा कुठे फिरायला गेले होते. मला वाटतं ते त्यांच्या छोट्या छोट्या समस्यांमध्ये अडकले आहेत. ते एकमेकांचा आता कौतुकही करत नाहीत. पण आधी ते एकमेकांशी खूप चांगले वागत होते.

मुलगी म्हणाली की, तिच्या आईला विचार आला होता की, तिने एखाद्या दुसऱ्या व्यक्तीला भेटावं. पण असं करू शकली नाही. तिचं तिच्या पतीवर प्रेम आहे. तिला त्यांना सोडायचं नाहीये.

मुलीने पोस्टमध्ये लिहिलं की, मदर्स डे जवळ येत असताना मला माझ्या आईसाठी काही वेगळं करायचं होतं. ज्यामुळे त्यांचा संसार सुरळीत व्हावा. त्यामुळे मी त्यांना एका डेटिंग वेबसाईटवर मेंबरशिप देण्याचा विचार करत होते. ज्याद्वारे तुम्ही अफेअर करू शकता. मी वाचलं आहे की, यामुळे वैवाहिक जीवनात मदत मिळते.

पण मुलीच्या पोस्टवर अनेक लोकांनी नाराजी व्यक्त केली. लोक म्हणाले की, वैवाहिक जीवन सुरळीत करण्यासाठी अफेअर करण्याची गरज नाही.