ऐकावं ते नवलच! ८ वर्षे सोबत, तरीही तरुण देईना भाव; तरुणीची थेट कोर्टात धाव

जाम्बियामध्ये एका तरूणीने तिच्या पार्टनरवर केस केली आहे. तरूणी म्हणाली की, ती आणि तिचा पाार्टनर गेल्या ८ वर्षापासून एकत्र आहेत. पण त्याने आजपर्यंत प्रपोज केलं नाही.

तुम्हीही अशा लोकांपैकी आहात का ज्यांना असं वाटतं की, एक दिवस त्यांचा पार्टनर आपल्या गुडघ्यावर बसेल आणि तुम्हाला मोठ्या प्रेमाने विचारेल की, तू माझ्याशी लग्न करशील? असं असेल तर असा विचार करणं तुम्हाला महागात पडू शकतं. कारण जाम्बियामध्ये  (Zambia) एका तरूणीने तिच्या पार्टनरवर केस केली आहे. तरूणी म्हणाली की, ती आणि तिचा पाार्टनर गेल्या ८ वर्षापासून एकत्र आहेत. पण त्याने आजपर्यंत प्रपोज (Prapose) केलं नाही.

८ वर्षापासून आहेत सोबत

'द मिरर'मध्ये प्रकाशित रिपोर्टनुसार, तरूणीने सांगितलं की, ती तिच्या बॉयफ्रेन्डला गेल्या ८ वर्षांपासून डेट करत आहे. पण त्याने आजपर्यंत तिला प्रपोज केलेलं नाही. यामुळे ती नाराज आहे. ज्यानंतर तिने हे प्रकरण कोर्टात नेण्याचा निर्णय घेतला.

का झाले वाद?

प्रपोज केलं नाही म्हणून आपला बॉयफ्रेन्ड हर्बर्ट सालालिकीवर केस करणाऱ्या तरूणीचं नाव गेर्टूड  नगोमा आहे. तरूणीचं वय २६ आहे तर बॉयफ्रेन्ड २८ वर्षांचा आहे. तरूणीने सांगितलं की, ८ वर्षाच्या रिलेशनशिप दरम्यान तिने एका बाळालाही जन्म दिला. पण मग त्यांच्या नात्यात दरी निर्माण झाली.

गेर्टूड नगोमा म्हणाली की, हर्बर्ट सालालिकीने त्याने दिलेली आश्वासने पूर्ण केली नाहीत. त्यामुळे दोघांमध्ये वाद झाला. नाही तर आधी ते एकमेकांसोबत फार आनंद होते.

म्हणून नाराज झाली होती तरूणी

तरूणी म्हणाली की, बॉयफ्रेन्डने प्रॉमीस पूर्ण केलं नाही, त्यामुळे ती रागात होती. याबाबत तिने तिच्या बॉयफ्रेन्डसोबत चर्चाही केली. पण तो प्रपोज करण्यासाठी तयार झाला नाही. यानंतर तिने कोर्टात जाऊन न्यायाची मागणी केली.

गेर्टूड नगोमाला असं वाटलं की, तिचा बॉयफ्रेन्ड आणि तिच्या बाळाचा पिता त्यांच्या रिलेशनशिपसाठी सीरिअस नाही. जाम्बियातील एका रिवाजानुसार, बॉयफ्रेन्डने गेर्टूड नगोमाला हुंडाही दिला आहे. पण तिची इच्छा होती की, तिच्या बॉयफ्रेन्डने तिला प्रपोज करावं.