लोकल पकडण्याची घाई जीवावर बेतली; डोंबिवली रेल्वे स्थानकातील घटना
By अनिकेत घमंडी | Published: February 16, 2023 07:02 PM2023-02-16T19:02:45+5:302023-02-16T19:03:12+5:30
डोंबिवली रेल्वे स्थानकात लोकल पकडण्याच्या घाईत 23 वर्षीय तरूणाचा मृत्यू झाला.
लोकल पकडण्याची घाई जीवावर बेतली; डोंबिवली रेल्वे स्थानकातील घटना
Next डोंबिवली: रेल्वे प्रशासनाकडून दररोज उद्घोषणा केली जाते की, रेल्वे गाडी व फलाटातील अंतराकडे लक्ष द्या, मात्र काही केल्या प्रवासी याकडे लक्ष देत नसल्याने त्यांना आपला जीव गमविण्याची वेळ येते. असाच एक अपघात डोंबिवलीत घडला, घाईघाईत रेल्वे गाडी पकडण्याच्या नादात एका तरुणाचा रेल्वे गाडी व फलाट मध्ये अडकून जागीच जीव गेल्याची घटना गुरुवारी सकाळी साडे अकरा वाजण्याच्या सुमारास डोंबिवली फलाट क्र.४ वर घडली.
पोलिसांकडून मिळलेल्या माहितीनुसार, ओमकार नितीन बळे (२३) असे मृत पावलेल्या तरुणाचे नाव आहे. डोंबिवली फलाट क्र.४ वर ११.३३ वाजता कर्जत लोकल आली असल्याचे ओमकारने पाहिले. मात्र त्या लोकल मधून जायचे असल्याने ओमकारने रेल्वे पुलाच्या पायऱ्या उतरून घाई घाईत लोकल पकडल्याचा प्रयत्न केला. मात्र लोकल सुरू झाल्याने ओमकारने डब्ब्यात जाण्यासाठी पाय टाकला असता त्याचा अंदाज चुकला. त्याचा पाय फलाट व गाडी मधील गँप मध्ये पडला. ओमकार त्याला अडकल्याने लोकलची धडक लागली. यातच त्याचा जागीच मृत्यू झाला. या अपघाताची नोंद डोंबिवली लोहमार्ग पोलीस ठाण्यात करण्यात आली.