महिलांचे व्हिडीओ काढणाऱ्याला हिसका; सिंहगड एक्सप्रेसमध्ये प्रवाशांनी पकडले!

पुण्याहून मुंबई येणाऱ्या सिंहगड एक्स्प्रेस गाडीत हा प्रकार घडला. 

- अनिकेत घमंडी/ मयुरी चव्हाण

डोंबिवली: सिंहगड एक्सप्रेसमधील धक्कादायक प्रकार समोर आला आहे. ट्रेनमधील महिलांचे, अल्पवयीन मुलींचे मोबाईलवर व्हिडिओ शूटिंग करुन छेड काढणाऱ्या व्यक्तीला प्रवाशांनी रंगेहाथ पकडले. तसेच या व्यक्तीला पोलिसांच्या ताब्यात देखील दिले. 

पुण्याहून मुंबई येणाऱ्या सिंहगड एक्स्प्रेस गाडीत हा प्रकार घडला. धक्कादायक म्हणजे काल म्हणजेच बुधवारी देखील हाच व्यक्ती काही महिलांचे व्हिडिओ काढत त्यांना छेडण्याचा प्रयत्न केला होता.  सदर आरोपीचे नाव मोहम्मद अश्रफ असून तो बिहारमधील सितामढीत राहत असल्याची माहिती समोर आली आहे. आरोपीने असे का केले, याची माहिती घेत आहेत. त्याच्यावर पोलिसांनी पोक्सो कायद्यानुसार कारवाई सुरू केली असल्याची माहिती समोर आली असून गुन्हा नोंदवण्याची कार्यवाही सुरू आहे.

दोन दिवसापूर्वी कल्याण लोहमार्ग पोलीस ठाण्यात कोठडीत एक महिलेचा मृत्यू झाला होता. त्याबाबत देखील चौकशी सुरू असून पोलिसांमसोर वाढते गुन्हे रोखण्याचे मोठे आव्हान असल्याची सर्वत्र चर्चा सुरू आहे.

डोंबिवली: सिंहगड एक्सप्रेसमधील धक्कादायक प्रकार.. ट्रेनमधील अल्पवयीन मुलींचे मोबाईलवर व्हिडिओ शूटिंग करुन छेड काढणाऱ्या व्यक्तीला प्रवाशांनी ताब्यात घेतलं. या व्यक्तीला पकडून प्रवासी पोलिसांच्या ताब्यात देणार आहे. (व्हिडिओ- हेमंत बावकर, लोकमत)@Central_Railway@AshwiniVaishnawpic.twitter.com/98ngSrXQGJ

— Lokmat (@lokmat) April 6, 2023