CoronaVirus News : KDMC चा भोंगळ कारभार! कोरोना पॉझिटिव्ह रुग्णाला गर्दीतून वाट काढत गाठावं लागतंय हॉस्पिटल 

CoronaVirus Marathi News and Live Updates: कोरोनाची लागण झाल्याचे उघड झाल्यावर त्याला मोकळे सोडले जात असल्याचं धक्कादायक चित्र आज कल्याणमध्ये  दिसून आलं आहे. 

कल्याण-डोंबिवली कोरोनाचा हॉटस्पॉट झाला असून पालिका प्रशासनानेही टेस्टिंग करण्यावर भर वाढवला आहे. मात्र असे असले तरी अँटीजन टेस्ट केंद्रावर एखाद्या व्यक्तीला कोरोनाची लागण झाल्याचे उघड झाल्यावर त्याला मोकळे सोडले जात असल्याचं धक्कादायक चित्र आज कल्याणमध्ये  दिसून आलं आहे. 

केडीएमसीकडून दररोज सुमारे 4500 नागरिकांची तपासणी केली जात असून रेल्वे स्थानक आणि एसटी स्टँड परिसरात देखील परगावाहून आलेल्या प्रवाशांची अन्टीजेन टेस्ट केली जाते. मात्र या तपासणीत एखाद्या नागरिकाचा अहवाल पॉझिटीव्ह आल्यास त्याला तातडीने रुग्णालयात दाखल करण्याची कोणतीही व्यवस्था करण्यात आलेली नसून उलट त्याला जवळच्या रुग्णालयात जाण्याचा सल्ला दिला जातो. त्यामुळे पॉझिटिव्ह अहवाल हातात घेऊन  गर्दीतून वाट काढत रुग्णाला हॉस्पिटल गाठावे लागत असल्याचे भयानक वास्तव समोर आलं आहे. दरम्यान याबाबत अन्टीजेन टेस्ट सेंटरवर रुग्णवाहिका उपलब्ध करून देण्याची व्यवस्था केली जाईल याबाबत सूचना दिल्या असून तत्काळ अमलबजावणी सुरू होईल असं पालिका आयुक्त डॉ विजय सूर्यवंशी यांनी सांगितलं आहे.

CoronaVirus Updates : मुंबई लोकलबाबत मोठी घोषणा होणार?; वडेट्टीवारांनी दिली महत्त्वाची माहितीhttps://t.co/JME17hw1Kt#coronavirus#CoronaVirusUpdates#MaharashtraFightsCorona#maharashtralockdown#mumbailocal

— Lokmat (@MiLOKMAT) April 2, 2021

कोरोनाचा वाढता कहर! मुंबई लोकलची सेवा पुन्हा खंडीत होणार? मंत्री विजय वडेट्टीवार म्हणतात...

राज्याचे मदत आणि पुनर्वसन मंत्री विजय वडेट्टीवार (Vijay Wadettiwar) यांनी मुंबईलोकलबाबत महत्त्वाची माहिती दिली आहे. मुंबई लोकलबाबतविजय वडेट्टीवार यांना प्रश्न विचारला असता त्यांनी उत्तर दिलं आहे. लॉकडाऊन सामान्य जनतेला परवडणार नाही. निर्बंध लागतील पण लॉकडाऊन नाही. मुंबई लोकल बंद होणार नाही असं वडेट्टीवार यांनी म्हटलं आहे. गर्दी कशी कमी होईल यावर भर दिला जाईल. लॉकडाऊन जरी नसला तरी निर्बंध अधिक कडक केले जातील. लोकल प्रवाशांची विभागणी करण्यात येईल. लोकल बंद होणार नाही पण निर्बंध लागतील असं देखील म्हटलं आहे. गुरुवारी राज्यात ४३ हजार १८३ कोरोनाबाधित आढळले, तर २४९ जणांचा मृत्यू झाला आहे. त्याचसोबत सध्याच्या घडीला राज्यात ३ लाख ६६ हजार ५३३ सक्रीय रुग्ण आहे.

मुंबईत रुग्णसंख्या वाढत असल्यामुळे, मुंबईची लाइफलाइन समजली जाणारी लोकल फक्त अत्यावश्यक सेवेसाठी व शासकीय कर्मचाऱ्यांसाठी सुरू ठेवण्याचा निर्णय घेतला जाऊ शकतो. कोरोनाचे रुग्ण वाढत असल्याने राज्यात अंशत: लॉकडाऊन लागू करण्याचा निर्णय घेतला जाऊ शकतो. त्यानुसार ज्या शहरांमध्ये रुग्णसंख्या वाढली आहे, त्या ठिकाणी मॉल, सिनेमागृह, नाट्यगृह आणि खासगी आस्थापना बंद ठेवण्याचा निर्णय होण्याची शक्यता आहे. राज्यात संपूर्ण लॉकडाऊन केला जाण्याची शक्यता कमी आहे परंतु यातून मध्यममार्ग काय काढता येईल यासाठी मंत्रालयात अधिकाऱ्यांच्या, तर महाविकास आघाडीतील नेत्यांच्या ‘वर्षा’वर मुख्यमंत्र्यांसोबत बैठका सुरू आहेत.  

CoronaVirus Live Updates : कोरोनाचे थैमान! गेल्या 24 तासांत तब्बल 81,466 नवे रुग्ण, 469 जणांचा मृत्यूhttps://t.co/CuDFB74atR#coronavirus#CoronavirusIndia#CoronaUpdatesInIndia#COVID19India#coronainindia

— Lokmat (@MiLOKMAT) April 2, 2021

Read in English