डोंबिवलीत डंपरची दुचाकीला धडक; महिलेचा जागीच मृत्यू

डोंबिवली पश्चिम परिसरात राहणाऱ्या स्नेहा त्यांचे पती सुधीर यांच्यासोबत दुचाकीने पासपोर्ट कार्यालयात चौकशी करण्यासाठी गेल्या होत्या. दुपारच्या सुमारास तेथून परतत असताना सम्राट अशोक चौकात त्यांच्या दुचाकीला एका डंपरने धडक दिली. 

डोंबिवली : पश्चिमेकडील सम्राट अशोक चौकात एका डंपरने दुचाकीला दिलेल्या धडकेत महिलेचा जागीच मृत्यू झाल्याची दुर्दैवी रविवारी दुपारच्या सुमारास घडली.  स्नेहा दाभिलकर (५२) असे मयत महिलेचे नाव आहे.

डोंबिवली पश्चिम परिसरात राहणाऱ्या स्नेहा त्यांचे पती सुधीर यांच्यासोबत दुचाकीने पासपोर्ट कार्यालयात चौकशी करण्यासाठी गेल्या होत्या. दुपारच्या सुमारास तेथून परतत असताना सम्राट अशोक चौकात त्यांच्या दुचाकीला एका डंपरने धडक दिली. 

या अपघातात स्नेहा गंभीर जखमी झाल्या. त्यांना उपचारासाठी शास्त्रीनगर रुग्णालयात नेण्यात आले. मात्र त्याआधीच त्यांचा मृत्यू झाला. या अपघातात त्यांचे पती सुधीरदेखील किरकोळ जखमी झाले आहेत. या प्रकरणी विष्णूनगर पोलीसानी ट्रक चालकाला ताब्यात घेत गुन्हा दाखल करण्याची प्रक्रिया सुरू केली आहे.