प्रेम प्रसंगातून अल्पवयीन मुलाचे अपहरण करुन जीवे ठार मारण्याचा प्रयत्न

पोलिसांनी मुलाचे वाचविले प्राण; दोघांना अटक.

मुरलीधर भवार, कल्याण : प्रसंगामुळे एका अल्पवयीन मुलाचे अपहरण करण्यात आले. या मुला कोंडून पाच तास बेदम मारहाण करण्यात आली. पोलिसांना माहिती मिळताच पोलिसांनी शोध घेत मुलाचा जीव वाचला. मुलीच्या मामाने काही तरुणांसोबत मिळून मुलाला मारहाण केल्याचे उघड झाले आहे. या प्रकरणी खडकपाडा पोलिसांनी मुलीचा मामा नितेश जाधव आणि कपील ढोले या दोघांना अटक केली आहे . या प्रकरणात परेश ठाकरे, पंकज आणि अन्य दोन ते तीन जणांचा पोलिस शोध घेत आहेत.

टिटवाळा येथे राहणारा एका अल्पवयीन मुलगा याचे काही लोकांनी अपहरण केले. त्याच्यासोबत असलेल्या काही लोकांचे अपहरण केले होते. त्यांना सोडण्यात आले होते. मात्र अल्पवयीन मुलाला भिवंडीनजीकच्या जंगलात एका गोडाऊनमध्ये नेऊन कोंडून ठेवले. त्याला बेदम मारहाण केली. मुलाच्या कुटुंबांना याची माहिती मिळताच त्यांनी पोलिस ठाण्यात धाव घेतली. पोलिसांना या घटनेची माहिती दिली. हा प्रकार कळताच पोलिसांनी तातडीने सूत्रे हलविली.अल्पवयीन मुलाचा आेळखीचा व्यक्ती नितेश जाधव याने हे कृत्य केले आहे. नितेश हा टिटवाळा ग्रामीण भागातील फळेगावात राहतो. ही माहिती मिळताच खडकपाडा पोलिसांची तीन पथके या तरुणाला शोधण्याकरीता रवाना झाली. पोलिस उपायुक्त सचिन गुंजाळ, सहाय्यक पोलिस आयुक्त कल्याणजी घेटे, वरिष्ठ पोलिस निरिक्षक सर्जेराव पाटील, पोलिस निरिक्षक शरद जिने यांच्या मार्गदर्शनाखाली मुलाचा शोध सुरु झाला. पोलिसांनी पाच तासानंतर मुलाला शोधून काढले. त्याला बेदम मारहाण झाल्याने त्याची प्रकृती गंभीर होती. त्याला कल्याणच्या खाजगी रुग्णालयात दाखल करण्यात आले आहे. मुलाचे अपहरण करुन त्याला बेदम मारहाण करणारा नितेश जाधव आणि कपील ढोले या दोघांना अटक केली आहे.

या अल्पवयीन मुलाचे एका मुलीसोबत प्रेम होत. मुलीच्या घरांच्याकडून त्यांच्या प्रेमाला विराेध होता. मुलगा आणि मुलगी अल्पवयीन असल्याने दोघांच्या घराच्या मंडळींनी दोघांची समजूत काढण्याचा प्रयत्न केला होता. या गोष्टीचा राग मनात ठेवून मुलाचा मामा नितेश याने त्याच्या काही मित्रांना सोबत घेऊन अल्पवयीन मुलाचे अपहरण केले होते. त्याला कोंडून बेदम माहाण केली. या प्रकरणाचा पुढील तपास खडकपाडा पोलिस ठाण्याचे पोलिस करीत आहेत.