‘जोगवा’ मागण्याच्या बहाण्याने घातला ५७ हजाराचा गंडा!

आनंदनगर भागातील हिमालय धारा बिल्डींगसमोरील वास्तु जयवंत सोसायटीत ज्योती कुलकर्णी (वय ६३)या राहतात. मंगळवारी सकाळी १० ते ११ दरम्यान ३५ ते ४० वर्षे वयाची एक अनोळखी महिला जोगवा मागण्याच्या बहाण्याने कुलकर्णी यांच्या घरी आली.

डोंबिवली : पैशांसाठी गुन्हे करणारे कोणत्या क्लुप्त्या लढवतील याचा नेम नाही. एका महिलेने सध्या सुरू असलेल्या नवरात्रौत्सवाची संधी साधत ‘जोगवा’ मागण्याच्या बहाण्याने एका ६३ वर्षीय वृध्द महिलेला ५६ हजार ८११ रूपयांचा गंडा घातल्याची घटना पश्चिमेकडील आनंदनगर भागात मंगळवारी घडली. याप्रकरणी गंडा घालणाऱ्या अनोळखी महिलेच्या विरोधात दाखल केलेल्या तक्रारीवरून विष्णुनगर पोलीस ठाण्यात फसवणुकीचा गुन्हा नोंद करण्यात आला आहे.

आनंदनगर भागातील हिमालय धारा बिल्डींगसमोरील वास्तु जयवंत सोसायटीत ज्योती कुलकर्णी (वय ६३)या राहतात. मंगळवारी सकाळी १० ते ११ दरम्यान ३५ ते ४० वर्षे वयाची एक अनोळखी महिला जोगवा मागण्याच्या बहाण्याने कुलकर्णी यांच्या घरी आली. देवीची ओटी भरायची, देवीसाठी ११ किलो तुपाची मागणी केली गेली. तसेच इतर बहाणे करीत कुलकर्णी यांच्याकडून रोख रककम आणि सोन्याचे मंगळसूत्र असा  ५६ हजार ८११ रूपयांचा मुद्देमाल घेत त्या महिलेकडून लंपास करण्यात आला. आपली फसवणुक झाल्याचे लक्षात येताच कुलकर्णी यांनी विष्णुनगर पोलिस ठाण्यात धाव घेत तक्रार दाखल केली.