डोंबिवलीच्या काही भागात आजपासून दोन दिवस वीज बंद; सहकार्य करण्याचे आवाहन

डोंबिवली : वीज वितरण यंत्रणेच्या पावसाळापूर्व देखभाल-दुरुस्तीसाठी डोंबिवलीतील रामनगर, टिळकनगर, केळकर रोड, आदी ठिकाणच्या काही भागांचा वीजपुरवठा काही तासांसाठी बंद ठेवण्यात येणार आहे. संबंधित भागातील वीज ग्राहकांनी याची नोंद घेऊन सहकार्य करावे, असे आवाहन महावितरणकडून करण्यात येत आहे.

डोंबिवलीच्या इनकमर एक फिडरवरील टिळकनगर, रामनगर, गणेश मंदिर, केळकर रोड, टिळकनगर फिडरवरील बालभवन, चिपळूणकर रोड, मानपाडा रोड, चित्तरंजन दास रोड, आरपी रोड, टाटा लाईन या भागात सोमवारी सकाळी १० ते दुपारी ४ वाजेपर्यंत, तर केळकर रोड फिडरवरील केळकर रोड, उसेरकरवाडी, पूजा मधुबन, मानपाडा रोड टॉकीज, शिवसेना शाखा, केडीएमसी, आदी भागाचा सकाळी ११ ते दुपारी ४ वाजेपर्यंत वीजपुरवठा बंद राहणार आहे.

रामनगर फिडरवरील रामनगर पोलीस ठाणे, केळकर रोड, राजाजी रोड, क्रांती नगर, मद्रासी मंदिर, म्हात्रे नगर, नवीन आयरे रोड, आयरे गाव या भागात मंगळवारी सकाळी १० ते दुपारी ४ पर्यंत वीजपुरवठा बंद असेल. देखभाल-दुरुस्तीचे काम लवकर पूर्ण झाल्यास संबंधित भागातील वीजपुरवठा लवकर सुरू करण्यात येणार आहे. महावितरणच्या स्वयंचलित प्रणालीमार्फत संबंधित भागातील वीज ग्राहकांना त्यांच्या नोंदणीकृत मोबाईलवर ‘एसएमएस’द्वारे वीज बंदबाबत पूर्वकल्पना दिल्याचा दावा महावितरणने प्रसिद्धीपत्रकाद्वारे केला.