गगनबावडा तालुक्यातून १४ ट्रॅक्टर लाकडे दान

कोल्हापूर : गगनबावडा तालुक्यातील ग्रामस्थ व ग्रामपंचायतींतर्फे येथील पंचगंगा स्मशानभूमीस

१४ ट्रॅक्टर लाकडे मंगळवारी दान करण्यात आली. महापालिकेच्या चौकात झालेल्या छोट्याशा कार्यक्रमात करवीरचे प्रांताधिकारी वैभव नावडकर, महापालिकेचे उपायुक्त रवींद्र आडसूळ यांच्या प्रमुख उपस्थितीत लाकडे दान करण्यात आली.

माजी सभापती सामाजिक कार्यकर्ते बंकट थोडगे, शाहीर विशारद डॉ. आझाद नायकवडी, सरपंच यशवंत जाधव यांच्या संकल्पनेतून गगनबावडा तालुक्यातील विविध ग्रामपंचायतींचे सरपंच, ग्रामस्थांच्या पुढाकाराने लाकडे संकलित करण्यात आली. ती लाकडे महापालिका आरोग्य प्रशासनाकडे देण्यात आली.

यावेळी जिल्हा बैतूलमाल कमिटीचे जाफरबाबा सय्यद, सामाजिक कार्यकर्ते बंटी सावंत, डॉ. प्रवीण कोडोलीकर, सामाजिक कार्यकर्ते एम. जी. पाटील, अमर वाईंगडे, रघुनाथ पाटील, विशाल मगदूम आदी कार्यकर्ते उपस्थित होते.