इचलकरंजीत ३९ पॉझिटिव्ह; दोघांचा मृत्यू

इचलकरंजी : शहरात रविवारी विविध ३२ भागांतील ३९ जणांचा कोरोना अहवाल पॉझिटिव्ह आला. उपचारादरम्यान इंदिरा हौसिंग सोसायटी येथील ६९ वर्षीय वृद्ध व अवधुत आखाडा येथील ६५ वर्षीय वृद्धेचा मृत्यू झाला.

पॉझिटिव्ह आलेल्यांमध्ये शांतीनगर, गुलमोहोर कॉलनी, शिक्षक कॉलनी, कदममळा, मुरदंडे मळा, छत्रपती शाहू पुतळ्याजवळ, सुतारमळा, जवाहरनगर प्रत्येकी २, पाटील गल्ली, गावभाग, झेंडा चौक, गुजरी पेठ, दातेमळा, मंगळवार पेठ, गांधी कॅम्प, वेताळ पेठ, विक्रमनगर, सांगली रोड, सहकारनगर, आमराई रोड, येलाजमळा, मुक्त सैनिक सोसायटी, कुंभार गल्ली, साखरपे हॉस्पिटलजवळ, हत्ती चौक, नाईकमळा, पुजारीमळा, कोल्हापूर रोड, ठाकरे चौक, कृष्णानगर, शहापूर येथील प्रत्येकी एकाचा समावेश आहे. आतापर्यंत सात हजार ८९६ जणांना लागण झाली असून, सात हजार २०६ जण बरे झाले आहेत. ३१४ जण उपचार घेत असून, मृत्यूसंख्या ३७६ वर पोहचली आहे.