कोल्हापूर, हातकणंगलेमध्ये प्रत्येकी ९ मृत्यू

कोल्हापूर : जिल्ह्यात गेल्या २४ तासांत ४१ कोरोनाग्रस्तांचा मृत्यू झाला. त्यामध्ये कोल्हापूर शहरातील आणि हातकणंगले तालुक्यातील प्रत्येकी नऊ जणांचा समावेश आहे. नवे १२४७ रुग्ण नोंदविण्यात आले असून १२१३ जणांनी कोरोनावर मात केली आहे.

कोल्हापूर शहर, करवीर आणि हातकणंगले तालुक्यातील कोरोनाची रुग्णसंख्या अजूनही नियंत्रणामध्ये येत नसून ती अनुक्रमे २८३, १४९ आणि १५३ इतकी आहे. इतर जिल्ह्यांतील ७१ तर इचलकरंजी शहरातील ७१ जणांना कोरोनाची लागण झाली आहे. सध्या जिल्ह्यात १३ हजार ५२१ कोरोना रुग्णांवर उपचार सुरू आहेत. मृतांमध्ये करवीर, कोल्हापूर शहरमधील मृतांची संख्या जास्त आहे.

चाैकट

मृतांची तालुकावर आकडेवारी

कोल्हापूर शहर ०९

आर. के. नगर, टेंबलाईवाडी, सानेगुरुजी वसाहत, शुक्रवार पेठ, फुलेवाडी, उद्यमनगर, लक्षतीर्थ वसाहत, संभाजीनगर, मंगळवार पेठ

हातकणंगले ०९

तळदंगे कोडोली फाटा, पुलाची शिरोली, धनगर मळा कोरोची, कुंभोज २, माणगाव, रेंदाळ, तळंदगे,रूई

करवीर ०६

शिंगणापूर, मोरेवाडी, उचगाव, निगवे दुमाला, वडणगे, कणेरी

गडहिंग्लज ०४

हलकर्णी, हिटणी, उंबरवाडी, कुमरी

इचलकरंजी ०२

शहापूर, अवधूतनगर

चंदगड ०२

हेरे, कडलगे

शाहूवाडी ०१

निळे मलकापूर

पन्हाळा ०१

कोडोली

कागल ०१

करनूर

शिरोळ ०१

जयसिंगपूर

इतर ०५

वैभवनगर बेळगाव, कारदगा, सावंतवाडी, दक्षिण गोवा, सौंदलगा

चौकट

लॉकडाऊनचा उपयोग काय

सात दिवसांचा कडक लॉकडाऊन झाल्यानंतरही ना कोरोना रुग्णांची संख्या कमी येत आहे ना मृतांची. त्यामुळे या लॉकडाऊनचा काय फायदा अशी विचारणा नागरिकांमधून होत आहे परंतु जिल्ह्यातील कोरोना चाचण्या वाढवल्याने रुग्णांची संख्या अधिक येत असल्याचे आरोग्य विभागाकडून सांगण्यात आले.