वकील प्रशांत पाटील यांच्याविरोधात विनयभंगाचा गुन्हा दाखल

आपल्याच जुन्या वर्गमैत्रिणींशी अश्लील संभाषण करणाऱ्या अॅड. प्रशांत पाटील रा. करण हेरिटेज, देवकर पाणंद कोल्हापूर याच्याविरोधात मंगळवारी रात्री उशिरा करवीर पोलिस ठाण्यात गुन्हा दाखल झाला आहे.

कोल्हापूर :

आपल्याच जुन्या वर्गमैत्रिणींशी अश्लील संभाषण करणाऱ्या अॅड. प्रशांत पाटील रा. करण हेरिटेज, देवकर पाणंद कोल्हापूर याच्याविरोधात मंगळवारी रात्री उशिरा करवीर पोलिस ठाण्यात गुन्हा दाखल झाला आहे. केवळ एकाच नव्हे तर अन्य वर्गमैत्रिणी असलेल्या महिलांबाबतही त्याने घाणेरडे संभाषण केले असल्याच्या क्लीप्सही पोलिसांना देण्यात आल्या आहेत. या प्रकाराने वकील वर्गातही खळबळ उडाली आहे.

तक्रारदार महिला डॉक्टर असून मे महिन्यामध्ये त्यांचे दहावीतील १३२ जणांचे कळंबा परिसरातील एका फॉर्म हाऊसवर गेट टुगेदर झाले. यावेळी शाळेचा माहितीपट दाखवत असताना अॅड.पाटील याने चिक्कूच्या बागेत या महिलेजवळ येवून ‘तू माझ्याशी शरीरसंबध ठेव, नाहीतर मी तुझी बदनामी करीन. तुझा संसार मोडीन’ अशी धमकी दिली.

यानंतर ही महिला मैत्रिणीसह घरी गेली परंतू घाबरून तिने पतीला हा प्रकार सांगितला नाही. त्यानंतर जुलै महिन्यात या महिलेच्या मित्राने हा वकील आणि या सर्वांची एक कॉमन मैत्रिण यांचे अनैतिक संबंध असून ते दोघे तुझ्याविषयी घाणेरडे बोलत होते असे सांगून तिला याबाबतची ऑडिओ क्लीपही दिली. यामध्ये अॅड. प्रशांत हा माझ्याबद्दल ‘मी तिला कधीही एक्सपोज करीन. तीची फिगर हिच्यापेक्षा चांगली आहे’यासह अन्य घाणेरडे संभाषण केल्याचे या महिलेने पोलिसात दिलेल्या जबाबामध्ये म्हटले आहे. वकीलाविरोधात कलम ३५४, ३५४ ए, ५०६ अन्वये गुन्हा दाखल करण्यात आला आहे.