संक्षी्प्त... क्राईम

कोल्हापूर : ग्रामपंचायत निवडणुकीच्या बंदोबस्तासाठी आलेला पोलीस कर्मचारी रिक्षाच्या धडकेत जखमी झाला. रमेश रावसाहेब पाटील (४१, रा. पुणे शहर पोलीस, दौंड, पुणे) असे जखमीचे नाव आहे. पोलीस मुख्यालयानजीक मंगळवारी रात्री ही घटना घडली. त्यांना उपचारासाठी सीपीआर रुग्णालयात दाखल केले आहे.

गॅलरीतून पडून जखमी

कोल्हापूर : घरगुती कामे करत असताना गॅलरीतून खाली पडल्याने कृष्णा पांडुरंग पाटील (५२, रा. आकुर्डे, ता. पन्हाळा) हे गंभीर जखमी झाले. ही घटना बुधवारी रात्री उशिरा घडली. त्यांना उपचारासाठी सीपीआर रुग्णालयात दाखल केले आहे.

वाहनाच्या धडकेत जखमी

कोल्हापूर : शिरोली औद्योगिक वसाहत येथे अज्ञात भरधाव वाहनाने धडक दिल्याने एक जण जखमी झाले. संतोष कुमार श्याम (३५, रा. मेघराज कॉलनी, पुलाची शिरोली, ता. हातकणंगले) असे जखमीचे नाव आहे. त्यांच्यावर सीपीआर रुग्णालयात उपचार सुरू आहेत.