अजिंक्य डी. वाय. पाटील हेल्थकेअरच्या सीईओपदी शिवदत्त दास
By लोकमत न्यूज नेटवर्क | Published: June 5, 2021 04:18 AM2021-06-05T04:18:59+5:302021-06-05T04:18:59+5:30
कोल्हापूर : शैक्षणिक क्षेत्रात मोलाची भूमिका बजावणाऱ्या महाराष्ट्रातील डॉ. डी. वाय. पाटील यांच्याशी संलग्न आलेल्या डॉ. अजिंक्य डी. ...
कोल्हापूर : शैक्षणिक क्षेत्रात मोलाची भूमिका बजावणाऱ्या महाराष्ट्रातील डॉ. डी. वाय. पाटील यांच्याशी संलग्न आलेल्या डॉ. अजिंक्य डी. वाय. पाटील या संस्थेने आरोग्य सेवा क्षेत्रात प्रवेश केला आहे. जोडियक हीलोट्रोनिक्स प्रायव्हेट लिमिटेड या कंपनी अंतर्गत संपूर्ण व्यवसायाचा विस्तार केला जाणार आहे. या कंपनीच्या व्यवस्थापकीय संचालक आणि मुख्य कार्यकारी अधिकारीपदी शिवदत्त दास यांची नियुक्ती केली असल्याची माहिती डॉ. डी. वाय. पाटील समूहाचे अध्यक्ष डॉ. आदित्य पाटील यांनी दिली.
शिवदत्त दास यांनी मंगळवारी पदभार स्वीकारला आहे. आरोग्य सेवा क्षेत्रात ६०० कोटी रुपयांच्या गुंतवणूकीचे आमचे लक्ष्य असल्याचे डॉ. पाटील यांनी सांगितले. या प्रकल्पाला उत्कृष्टतेचे केंद्र म्हणून या ग्रुपची स्थापना करायची आहे. त्यात एक हजार बेडचे सुपर स्पेशालिटी हॉस्पिटल, मेडिकल कॉलेज, पॅरामेडिकल आणि नर्सिंग शिक्षण असणार आहे. वडाळ्यातील हा महत्त्वाकांक्षी प्रकल्प मुंबईकरांसाठी ऐतिहासिक संस्था ठरणार असल्याची माहिती दास यांनी दिली.
प्रतिक्रिया
आम्हाला खात्री आहे की, समूहाचे नेतृत्त्व कार्यसंघ यशाचा ट्रॅक रेकॉर्ड, व्यवसाय मजबूत करण्याच्या वचनबद्धतेसह विकासात महत्त्वपूर्ण भूमिका बजावेल. कंपनीबरोबर नवीन कौशल्य व गुणवत्ता निर्माण करण्याची ही चांगली सुरुवात आहे.
-डॉ. आदित्य पाटील.
फोटो (०४०६२०२१-कोल-शिवदत्त दास (सीईओ)