अरविंद जरंडीकर यांची अध्यक्षपदी निवड

पन्हाळा : येथील पन्हाळा एज्युकेशन सोसायटी, पन्हाळा या संस्थेच्या अध्यक्षपदी अरविंद भास्कर जरंडीकर यांची तर उपाध्यक्षपदी ॲड. गिरीश ग. नानिवडेकर यांची निवड करण्यात आली. संस्थेची वार्षिक सर्वसाधारण सभा नुकतीच झाली. त्यामध्ये या निवडी करण्यात आल्या. संस्थेचे अध्यक्ष भाऊसाहेब गुळवणी यांच्या निधनामुळे रिक्त झालेल्या अध्यक्षपदावर ज्येष्ठ सभासद व पन्हाळा विद्यामंदिरचे माजी मुख्याध्यापक अरविंद भास्कर जरंडीकर यांची अध्यक्षपदी निवड करण्यात आली. अध्यक्षपदासाठी जरंडीकर यांचे नाव संचालक माधव गुळवणी यांनी सुचविले तर नानिवडेकर यांचे नाव उपाध्यक्षपदासाठी संचालक एस. व्ही. इनामदार यांनी सुचविले. अध्यक्ष व उपाध्यक्षपदाच्या निवडी सर्व सभासदांनी एकमताने केल्या. सभेमध्ये संस्था अहवाल वाचन सचिव पी. ए. यज्ञोपवित यांनी केले. सभेच्या विषयपत्रिकेवरील सर्व विषय एकमताने मंजूर करण्यात आले. सभेचे सर्व कामकाज खेळमेळीत पार पडले. सभेसाठी गव्हर्निंग कौन्सिलचे संचालक डॉ. बी. आर. कोरे, आर. के. कुलकर्णी तसेच सभासद पंडित भोसले, राजाभाऊ भालेकर उपस्थित होते. आभार आर. के. कुलकर्णी यांनी मानले.

फोटो : ०९ अरविंद जरंडीकर, ०९ गिरीश नानिवडेकर