कोरोनाच्या धास्तीमुळे महापौर चषक फुटबॉल स्पर्धा अखेर स्थगित

कोल्हापूर : जगभरात हाहाकार माजविणा-या कोरोनाच्या धास्तीमुळे छत्रपती शाहू स्टेडियमवर सुरू असलेली महापौर चषक फुटबॉल स्पर्धा अखेर महापालिका प्रशासनाने स्थगित केली. विशेष म्हणजे पदाधिकाऱ्यांनी उर्वरित सामने घेण्याचा आग्रह धरला होता; तर आयुक्तांनी स्पर्धा स्थगित करण्याचा सूचना दिल्या होत्या. यावर शुक्रवारी एकमत झाले.

गेल्या ३ मार्चपासून सुरू झालेल्या या स्पर्धेचा समारोप उद्या, रविवारी अंतिम सामन्याने होणार होता. त्यात एक उपांत्य सामना गुरुवारी (दि. १२) बालगोपाल तालीम व प्रॅक्टिस फुटबॉल क्लब यांच्यात झाला.