कासारपुतळेची भैरवनाथ यात्रा रद्द ( सुधारित )

सरवडे : कासारपुतळे (ता. राधानगरी) येथे सालाबादप्रमाणे भरणारी ग्रामदैवत भैरवनाथ देवाची यात्रा रद्द करण्यात आली आहे. ही यात्रा मंगळवारी १६ मार्च रोजी जागर व बुधवारी (दि. १७) होणार होती.

मात्र, कोरोनाच्या पार्श्वभूमीवर व जिल्हा प्रशासनाने केलेल्या आवाहनानुसार ही यात्रा रद्द केली. बाहेरगावाहून कोणीही माहेरवाशीण, पै-पाहुणे, मित्रमंडळी यांनी येऊ नये. पाहुणे व मित्रमंडळी आल्यास कार्यवाहीस सामोरे जावे लागले. गावात कोणासही निमंत्रित न करण्याचे आवाहन करण्यात आले आहे. ही यात्रा गावातील मोजक्याच मानकरी लोकांच्या उपस्थितीत पार पडणार आहे, अशी माहिती देवस्थान कमिटी व ग्रामपंचायतीतर्फे सरपंच आक्काताई सीताराम खाडे, उपसरपंच डी. डी. पाटील व सर्व सदस्यांनी दिली.

..... फोटो

०९भैरवनाथ मूर्ती