गडहिंग्लजच्या घाळी महाविद्यालयात सोमवारी 'लोकमत'चे महारक्तदान शिबिर

येथील डॉ. घाळी महाविद्यालयातील राष्ट्रीय सेवा योजना, राष्ट्रीय छात्र सेना, सांस्कृतिक व क्रीडा विभागातर्फे हे शिबिर होत आहे. त्यासाठी डॉ. आण्णासाहेब गळतगे लायन्स ब्लड बँकेचे सहकार्य लाभले आहे.

यावेळी संस्थेचे कार्याध्यक्ष डॉ. सतीश घाळी, एनएसएस कार्यक्रम अधिकारी प्रा. अनिल उंदरे व प्रा. संतोष बाबर, सांस्कृतिक विभागप्रमुख प्रा. नीलेश शेळके, एनसीसी विभागप्रमुख प्रा. अश्विन गोडघाटे, क्रीडा विभागप्रमुख प्रा. विकास अतिग्रे आदी उपस्थित होते.

चौकट :

दत्तक ६ गावातही शिबिर

शिवाजी विद्यापीठाच्या 'माझं गाव, माझी जबाबदारी' या उपक्रमांतर्गत महाविद्यालयाच्या राष्ट्रीय सेवा योजना विभागातर्फे दत्तक घेण्यात आलेल्या लिंगनूर कानूल, बेकनाळ, बड्याचीवाडी, शेंद्री, हनिमनाळ, शिंदेवाडी या ६ गावातही रक्तदान शिबिर घेण्याचे नियोजन आहे, असेही प्राचार्य डॉ. पाटील यांनी सांगितले.